بۆ بە تیرۆریست ناساندنی سوپای پاسداران لەلایەن پەرلەمانی ئەورووپاوە، خۆپیشاندانێک لە فەرەنسا بەڕێ خرا
پەیامی کورد... بۆ بە تیرۆریست ناساندنی سوپای پاسداران لەلایەن پەرلەمانی ئەورووپاوە، خۆپیشاندانێک لە فەرەنسا بەڕێ خرا
ڕۆژی دووشەممە ١٦ی جەنیوەری ٢٠٢٣، کوردستانییان و ئێرانییەکانی دانیشووی وڵاتانی ئەورووپی لە شاری ئێستراسبۆرگ لە ڕۆژهەڵاتی فەرەنسا و لە بەردەم پەرلەمانی ئەورووپا خۆپیشاندانێکیان بەڕێوە برد و داوایان لە پەرلەمانی ئەورووپا کرد کە سوپای پاسدارانی ڕژێمی ئێران بە تیرۆریست بناسێنن.
بە گشتی کوردستانییەکان و بەتایبەتی ئەندامانی حیزبی دێموکرات و کۆمیتەی حیزبی دێموکرات لە فەرەنسا، بە ئاڵای کوردستان بەشداریی بەرچاویان لەو خۆپیشاندانەدا هەبوو و وێڕای ئێرانییەکان دژی سوپای پاسداران و ڕژێمی ئیسلامیی ئێران دروشمیان دا.
دۆسیەی بە تیرۆریست ناساندنی سوپای پاسداران کە ماوەیەکە بە هەشتەگی ''سوپای تیرۆریست'' بەڕێ خراوە، ئەمڕۆ پێشکەشی پەرلەمانی ئەورووپا کرا و سێ ڕۆژی دیکە بڕیاری کۆتایی لەسەر دەدرێت.