بەپەلە ... بە فەرمانی ناتانیاهوو ٨ هەزار سەربازی ئەو وولاتە کەوتنە حاڵەتی ئامادەباشی یەوە
پەیامی کورد ... بە فەرمانی سەرۆکوەزیرانی ئیسرائیل ئامادەبوونی سەربازانی ئەم ووڵاتە لە تەواوی سنووری غەززە بە ڕێژەیەکی بەرچاو زیادی کرد .
بە پێی ڕاپۆرتێک ، بێنیامین ناتانیاهوو ، سەرۆکوەزیرانی ئیسرائیل ڕایگەیاند کە ئەو فەرمانی ئامادەبوونی زیاتری سەربازانی ووڵاتەکەی لە سەرانسەری سنووری غەززەی ذاوە کە ئامادە بن بۆ هەر " جۆرە سێناریۆیەک " تەنانەت بۆ بەرەنگاربوونەوەیەکی تەواو لە بەرامبەر " هەرجۆرە هێرشێکی فەلەستینییەکان " .
بە پێی ئەم هەواڵە چوار تیپ ، نزیکەی هەشت هەزار سەرباز لەگەڵ تانک و تۆپخانە ، لە سنوورەکانی بن دەستدا لە چاودێری کردندان . ئەم کاردانەوەیە لە بەر بۆمبارانی مووشەکی بۆ سەر ناوەندێکی پڕ لە خەڵکی ئیسرائیلە کە لە ڕۆژی دووشەممە دا ڕوویدا و لە ئاکامدا بینایەکی نیشتەجێ بوون ڕووخا و حەوت کەسیش تێدا بریندار بوون .
ناتانیاهوو لە مەراسیمێکی کردنەوەدا لە دانیشتنی خۆی لەگەڵ ژائیر بۆلسۆنارۆ ، سەرۆککۆماری برازیل ووتی : من فەرمانی دا هێزەکانی بەرگری ئیسرائیل بە شێوەیەکی تەواو جێگیر بن ، ئەمەش بریتییە لە تانکەکان ، تۆپخانەکان ، یەکینەکانی زەوینی و ئاسمانی . بۆ ئێمە هەر جۆرە سێناریۆیەک تەنانەت لە حالەتی پێویست بۆ بەرەنگاربوونەوەی بەرفراوان ئامادەین . ئێمە هەر شتێک کە بۆ پارێزگاری کردنی ئیسرائیل پێویست بێ دەیکەین .