باڵیۆزێکی عێراق بە هۆی ڕاوکردنی مامز لەسەر کار لادرا

پەیامی کورد... باڵیۆزێکی عێراق بە هۆی ڕاوکردنی مامز لەسەر کار لادرا

ئەمڕۆ دووشەممە د.فوئاد حوسێن وەزیری دەرەوەی عێراق بە نووسراوێکی فەرمی بڕیاری دا حەیدەر شەیاع باڵیۆزی عێراق لە لوبنان بگوازێتەوە بەغدا.

لە نووسراوەکەی وەزیری دەرەوەی حکومەتی فیدراڵیدا هاتووە کە باڵوێز حەیدەر شەیاع بەراک لە باڵیۆزخانەی عێراق لە لوبنانەوە دەگوازرێتەوە بنکەی وەزارەتی دەرەوە.

ئەمەش دوای ئەوە هات کە گرتەیەکی ڤیدیۆیی ئەم باڵیۆزە بڵاو کرایەوە، تێیدا گوللەیەکی ئاڕ پی جی بە مەبەستی ڕاوکردنی مامز دەتەقێنێت.