داوا لە هاووڵاتییانی ئۆکراینی دەکرێت ڕووسیا جێ بهێڵن
پەیامی کورد... داوا لە هاووڵاتییانی ئۆکراینی دەکرێت ڕووسیا جێ بهێڵن
وەزارەتی دەرەوەی ئۆکراینا ڕایگەیاند، هاووڵاتییانی ئۆکراینا هەتا بۆیان دەکرێت خۆیان لە گەشتکردن بۆ ڕووسیا بە دوور بگرن و ئەو هاووڵاتییانەش لەوێ نیشتەجێن، بەپەلە بگەڕێنەوە ئۆکراینا.
وەزارەتی دەرەوەی ئۆکراینا لە ڕاگەیەندراوێکی فەرمیدا ئاماژەی بەوە داوە: "بەهۆی زیادبوونی هێرشەکانی ڕووسیا بۆسەر ئۆکراینا" ڕەنگە خزمەتگوزاری و هاوکارییەکانی کونسوڵخانەی وڵاتەکەیان لە ڕووسیا بەرتەسک بکرێتەوە."
لە ڕاگەیەندراوەکەدا ئاماژە بەوەشکراوە: " هاووڵاتییانی ئۆکراینا هەتا بۆیان دەکرێت خۆیان لە گەشتکردن بۆ ڕووسیا بە دوور بگرن و ئەو هاووڵاتییانەش لەوێ نیشتەجێن، بەپەلە بگەڕێنەوە ئۆکراینا.
پێرێ دووشەممە، سەرۆکی ڕووسیا، ڤلادیمیر پووتین دوو بڕیار نامەی لەبارەی ناسینی بەناو کۆماری دۆنێتسک و بەناو کۆماری لوهانسک واژۆ کردبوو. هەروەها پەرلەمانی ڕووسیا، بڕیاری سەرۆکی ڕووسیای لەبارەی بەکارهێنانی هێز لە دەرەوەی خاکی ڕووسیا پەسەند کرد.