هاوپەیمانی فەتح داوای ڕزگار کردنی خەڵک دەکات

پەیامی کورد     ...    هاوپەیمانی فەتح داوای ڕزگار کردنی خەڵک دەکات

سەرۆکی هاوپەیمانی فەتح رایگەیاند، داوا لە حکوومەتی عێراق دەکەن لە رێگای گرتنەبەری رێکاری بەپەلە دەوڵەت کۆنتڕۆڵی نەخۆشخانەکان بکات و پێداویستی پزیشکی بۆ رزگارکردنی گیانی هاووڵاتیان لە نەخۆشخانەکان دابین بکات.
هادی عامری، سەرۆکی هاوپەیمانی فەتح لە لێدوانێکی رۆژنامەوانیدا رایگەیاند، پێویستە دەوڵەت رێکاری بەپەلە بۆ کۆنتڕۆڵکردنی نەخۆشخانەکان و دابینکردنی پێداویستی پزیشکی پێویست دەستپێبکات، بۆ ئەوەی گیانی هاووڵاتیان رزگار بکات.ئاماژەی بەوەشکردوە، هەروەها پێویستە رێکاری راستەقینە و بەپەلەش بۆ پاراستنی گیانی "سوپای سپی" لە پزیشک و کارمەندانی تەندرووستی لەلایەن وەزارەتی تەندرووستی عێراق و دەوڵەت بە گشتی بگیرێتەبەر، بەتایبەت دوای ئەوەی ژمارەی تووشبوانی کۆرۆنا لە ووڵاتدا ٧٥ هەزار کەسی تێپەڕاند.