حەماس بە پشتڕاست کردنەوەی کوژرانی یەحیا سینوار جەختی لەسەر مەرجەکانی پێشووی ئاگربەست کردەوە

پەیامی کورد   ...   حەماس بە پشتڕاست کردنەوەی کوژرانی یەحیا سینوار جەختی لەسەر مەرجەکانی پێشووی ئاگربەست کردەوە

خەلیل ئەلحیە، بەرپرسێکی باڵای بزووتنەوەی حەماس و نیشتەجێی قەتەر، لە پەیامێکی ڤیدیۆیدا پشتڕاستی کردەوە کە یەحیا سنوار، سەرۆکی ئەم گرووپە میلیشیایە لە غەززە کوژراوە. 

لەم پەیامەدا ووتی: “ئێمە ماتەمینی بۆ برای شەهید، یەحیا سینوار، ئەبوو ئیبراهیم دەگرین”. 
ئەلحیە یەکێکە لە بەرپرسانی بزووتنەوەی حەماس لە دانووستانەکانی ئاگربەست و ڕەنگە جێگەی یەحیا سینوار بگرێتەوە.

ئەلحیە هەروەها مەرجەکانی حەماسی بۆ ئاگربەست لەگەڵ ئیسرائیل هێنایە بەرباس و ڕایگەیاند کە بارمتە ئیسرائیلییەکان تەنها لە حاڵەتێکدا ئازاد دەکرێن کە زیندانییە فەلەستینییەکان ئازاد بکرێن و هێرشەکانی سەر غەززە بوەستن و هێزەکانی ئیسرائیل لەم ناوچەیە بکشێنەوە.