Cîhan
بوومەلەرزەیەک بە پلەی ٤.٧ پلە قەسری شیرینی هەژاند
پەیامی کورد ... بوومەلەرزەیەک بە پلەی ٤.٧ پلە قەسری شیرینی هەژاند
دوانیوەڕۆی ڕۆژی شەممە ١٠ی خەزەڵوەر، بوومەلەرزەیەک بە گوڕی ٤.٧ پلە لە نزیک سنووری ئێران و عێراق ڕوویدا و نیگەرانی خەڵکی هەندێک ناوچەی سنووری پارێزگای کرماشانی لێکەوتەوە.
بەپێی ئاماری ناوەندی بوومەلەرزەزانی، بوومەلەرزەکە کاتژمێر ٢:٥٥ بە كاتی تاران تۆمار كراوە. ناوەندەکەی لە عێراق نزیک شاری خانەقین و بە بە قووڵایی ١٠ کیلۆمەتر بووە.
نزیکترین شاری ئێران لە ناوەندی بوومەلەرزەکە، قەسری شیرین بوو کە نزیکەی ٢٢ کیلۆمەتر لێیەوە دوورە. ئەو بوومەلەرزەیە لە شارەکانی وەک قەسری شیرین و بەشێک لە ڕۆژئاوای گیەڵان هەستی پێکراوە.