پارێزگای سێواسی تورکیا ماڵئاوایی لە تیمەکانی ئۆپەراسیۆنی تایبەت دەکات کە بەرەو سووریا بەڕێ کەوتن
پەیامی کورد... پارێزگای سێواسی تورکیا ماڵئاوایی لە تیمەکانی ئۆپەراسیۆنی تایبەت دەکات کە بەرەو سووریا بەڕێ کەوتن
هەژماری فەرمیی پارێزگای سێواسی تورکیا لە پلاتفۆرمی "ئێکس" ڕایگەیاند کە ماڵئاوایی لە تیمەکانی ئۆپەراسیۆنی تایبەتی پۆلیس (PÖH) کراوە، کە بە مەبەستی ئەنجامدانی ئەرکی کاتی بەرەو سووریا بەڕێ کەوتوون.
ڕاگەیەندراوەکە ڕوونی کردەوە کە ڕێوڕەسمی ماڵئاواییەکە لە بارەگای بەڕێوەبەرایەتیی لقی ئۆپەراسیۆنە تایبەتەکان لە سێواس، بە ئامادەبوونی "یڵماز شیمشەک" پارێزگاری شارەکە و "ئەحمەد ئالاگاچلی" بەڕێوەبەری ئاسایشی شارەکە بەڕێوەچوو.
لە وتارێکدا کە بەو بۆنەیەوە پێشکەشی کرد، پارێزگار شیمشەک داوای لە خودا کرد کە ئەندامانی تیمەکە لە هەر خراپەیەک بپارێزێت، هیوای سەلامەتی بۆ خواستن لە کاتی جێبەجێکردنی ئەرکەکانیاندا و بە سەلامەتی بگەڕێنەوە و وتی: "داوا لە خودا دەکەم لە هەر ناخۆشییەک بتانپارێزێت و یار و یاوەری هەمووتان بێت، بە سەلامەتی بڕۆن و بە سەلامەتی بگەڕێنەوە."
ئەم تیمانە بەشێک بوون لە ئۆپەراسیۆنی (ردع العدوان) کە لە ٢٧ی تشرینی دووەمی ٢٠٢٤ دەستی پێکرد و بوو بەهۆی ڕووخانی ڕژێمەکەی بەشار ئەسەد.