پەمپئۆ هوشداری بە عێراق دا
پەیامی کورد ... پەمپئۆ هوشداری بە عێراق دا
وەزیری دەرەوەی ئامریکا لە پێوەندییەکی تەلەفوونیدا لەگەڵ بەرپرسانی عێراق باسی لە هێرشی مووشەکی بۆسەر باڵوێزخانەی ئەمریکا لە بەغدا و بنکەکانی وڵاتانی هاوپەیمان لەو وڵاتەدا کردووە.
بەپێی زانیارییەکان ناوەرۆکی ئەم پێوەندییە باسکردن لە سەر هێرشە یەک لە دوای یەکەکان بۆ سەر باڵوێزخانەی ئەمریکا و بنکەکانی هاوپەیمانانا لە خاکی عێراقدا بووە. ئەمریکا داوای لە عێراق کردووە پارێزگاری لە باڵوێزخانەی وڵاتان لە ناوچەی سەوزدا بکات.
"مایک پۆمپێئۆ" لەو پێوەندییەدا هەڕەشەی داخستنی باڵوێزخانەی وڵاتەکەی لە عێراقدا کردووە و وتوویەتی بەزەییمان بەکەسدا نایەت .
"ماتیو تۆلەر" باڵوێزی ئامریکا لەپەیامێکی هاوشێوەدا ڕایگەیاندووە: "ئەگەر حکوومەت و هێزە عێراقییەکان لە بەرانبەرئەو هێرشانەدا پارێزگاری لە باڵوێزخانەکان نەکەن، ئەمریکا لەو بارەوە هەنگاوی پێویست دەگرێتە بەر".