ژمارەی کوژراوان لە کەرتی غەززە گەیشتە 20 هەزار کەس

پەیامی کورد... ژمارەی کوژراوان لە کەرتی غەززە گەیشتە 20 هەزار کەس

وەزارەتی تەندروستیی غەززە رایگەیاند، بەهۆی بۆمباباران و هێرشەکانی سوپای ئیسرائیل بۆ سەر کەرتی غەززە، تا ئێستا 20 هەزار کەس کوژراون.

بە پێی ئەم ڕاگەیەندراوەی وەزارەتی تەندروستیی ژێر دەستەڵاتی حەماس، لەم ژمارەیە هەشت هەزار کەسیان منداڵ و شەش هەزار و 200 کەسیان ئافرەتن.

75 رۆژە جەنگی ئیسرائیل و حەماس بەردەوامە و ئەڵمانیا، بەریتانیا و فەرەنسا داوای راگەیاندنی ئاگربەستی مرۆییان کردووە، بەڵام سەرۆک وەزیرانی ئیسرائیل دەڵێت تا کۆتایی بە حەماس نەهێنن، ئاگربەست راناگەینن.

لەلایەکی دیکەوە ئیسماعیل هەنیە سەردانی میسری کردووە و بە گویرەی هەواڵان میسر خەریکی دۆزینەوەی ڕێگەچارەیەک بۆ ڕیک‌کەوتنی ئیسرائیل و حەماس سەبارەت بە ئاگربەستە.