ئایا نەوەکەی خۆمەینی ڕەقیبی ئەحمەدی نەژاد دەبێت لە هەڵبژاردنەکانی ١٤٠٠ ئێران دا ؟؟؟
پەیامی کورد ... ئایا نەوەکەی خۆمەینی ڕەقیبی ئەحمەدی نەژاد دەبێت لە هەڵبژاردنەکانی ١٤٠٠ ئێران دا ؟؟؟
چالاکێکی ئۆسووڵگەرا لە ئێران ڕایگەیاند ئەگەر بڕیار وایە چالسازی بێتە ئاراوە ، ئەوە لەگەڵ کەسێک وەکوو سید حەسەن خۆمەینی دا هاوپەیمانی درووست دەکات .
بە پێی ڕاپۆرتێک حسێن کەنعانی مۆقەدەم ، سکرتێری گشتی حزبی سەوزی ئێران دەربارەی ئەگەری کاندید بوونی عەلی لاریجانی لە هەلبژاردنەکانی ساڵی ١٤٠٠ ئێران دا ووتی : لەو باوەڕەدام کە چاکسازی خوازەکان لە دوای ڕۆحانی بە کەمتر لە خاتەمی ڕازی نابن و بە دووری دەزانم بە دوای کەسانێکی وەکوو لاریجانی دا بڕۆن .
هەروەها ووتی : جەرەیانی چاکسازی ئەم ئەزموونەی بە ناسەرکەوتوویی هەبووە کە بۆ پاریزگاری لایەنی سیاسی خۆی لە کاندیدێک کەڵک وەربگرن کە سەر بە خودی ئەوان نەبێت ، ئەوان ووڵامێکیان بۆ هەوادارانی خۆیان نییە کە چۆن بە کەسێک دەنگ بدەن کە لەگەڵ چاکسازی دا هیچ نێوانەیەکی نەبووە ، لە ئاکامدا وا پێدەچێت کە ئەگەر بڕیار وایە بێە سەر شانۆ لەگەڵ کەسێکی هاوشێوەی خاتەمی وەکوو سید حەسەن خۆمەینی بێنە سەر کارەوە .
کەنعانی مۆقەدەم هەروەها ووتی : لاریجانی بەردەوام لە نێوان ئۆسووڵگەراکاندا دەنگی هێناوە و ئەگەر بڕیار وایە بەرەو لای چاکسازی خوازەکان بڕوات ، ئەو دەنگەشی کە هەیبوو لە دەستی دەدات ، بە واتایەک دیکە پالپشتی چاکسازی خوازەکان لە لاریجانی مردنی سیاسی لاریجانی دێنێتە ئاراوە .
سکرتێری گشتی حزبی سەوز بە ئاماژەدان بە هەڵبژاردەنەکانی چەند ساڵ پێشی ئێران و کەنارەگیری عارف ڕایگەیاند : عارف لەو ساڵەدا دەنگی نەبوو و تەنانەت ئەندامانی کار گوزاریش دەنگیان پێ نەدەدا ، بەڵام ڕۆحانی یش دەنگی بەشێک لە ئۆسووڵگەراکانی هەبوو و هەمیش زۆربەی کار گوزارەکان لەگەلی هاوڕا بوون ، بەڵام عارف ئەم تایبەتمەندییەی نەبوو کە بتوانێ دەنگی جۆربەجۆر لە لایەنەکان بە دەست بهێنێت .
ئەم چالاکە ئۆسووڵگەرایە هەروەها ووتی : بە جەختەوە دەڵێم کە جاکسازی خوازەکان نوێنەریان هەبووە بەڵام نوێنەرێک کە بتوانێ سەبەتەیەک لە دەنگی باش و ڕازی کەر بۆ سەرکەوتنی هەبێت نەیانبوو ، هەر بۆیە بە دوای ئەوەوە بوون کە بە هۆی ڕۆحانییەوە بێنەوە سەر هێز و سۆڵتەوە ، ئێستاش زۆربەی کەسانێک کە لە دەوڵەتی ڕۆحانی دا بەشدارن لە کەسایەتییەکانی کار گوزارەکانن و چاکسازی خوازەکان یش لە دەورووبەری ئەوان دا خەریکی چالاکین ، بەڵام ئەگەر ئەم ڕووداوەش نەهاتبایە ئاراوە ئەوە بە یەقین ئیمکانی گەڕانەوە بۆ هێز و سۆڵتە بۆ چاکسازی خوازەکان بوونی نەبوو .
هەروەها سەبارەت بە هەژماری کاندیدەکانی هەڵبژاردنی سەرۆککۆماری ١٤٠٠ ی ئێران ووتی : هەرچەندە کاندید بوون گرینگ نییە ، چوونکە هەر کەسێک دەتوانێ خۆی هەڵبژێرێت بەڵام گرینگ هێنانی دەنگە ، لەو باوەڕەدام کە پەرلەمانی یازدەهەم نموونەیەکی بەرچاو لە ڕەقابەتی سیاسی لایەنەکانی ئۆسووڵگەرا ، چاکسازی خواز و سەربەخۆ بوو ، بە بۆچوونی من ئێمە سێ کاندیدمان لە هەڵبژاردنەکانی سەرۆککۆماریدا دەبێت کە یەکێکیان چاکسازی خواز ، یەکێک سەربەخۆ و ئۆسووڵگەرا دەبێت و هەموو ئەمانەش هەوڵ دەدەن لە یەکێک لە هاوپەیمانییە سیاسییەکان دا لەگەڵ یەکێک لە لایەنەکانی سەرکەوتوو هەڵبژێردرێت ، ئەگەر وا نەبێت ئەوە لایەنێکی سیاسی ناتوانێ لە مەیدانی پێشبڕکێ دا سەرکەوتوو بێت و دەوڵەتی داهاتوو هاوپەیمانی دەبێت ، هەرچەندە بە دووری دەبینم کە لاریجانی بە دەنگی چاکسازی خوازەکان بتوانێ ببێتە سەرۆککۆمار و بە بڕوای من مەیدانی پێشبڕکێی ساڵی ١٤٠٠ لەگەڵ سەربەخۆیەکان و جاکسازی خوازەکان دەبێت .
کەنعانی مۆقەدەم هەروەها لە کۆتایی دا بە ئاماژەدان بە ئەگەری کاندید بوونی موحەمەد جەواد زەریف ڕایگەیاند : کاندیدبوونی زەریف ئەگەری زۆر بەهێزی هەیە و ئە یەکێک لە هەڵبژاردە سەرەکی و جیدییەکانی چاکسازی خوازەکان دەبێت ، چوونکە هەم رۆخسارێکی نێودەوڵەتی هەیە هەمیش پێشینەی وەزارەتی دەرەوەی ئەو دەتوانێ لە کۆمەڵگاکانی نێدەوڵەتی دا قسەیەکی بۆ ووتن هەبێت .
سید حەسەن مۆستەفەوی بە ناوبانگ بە سید حەسەن خۆمەینی لە دایک بووی قۆم ، ڕۆحانی ئێرانی ، ئە ئەندامی شاندی ئۆمەنای زانکۆی ئازادی ئیسلامی یە . حەسەن خۆمەینی ، کوڕی سید ئەحمەد خۆمەینی و نەوەی ڕووحۆاڵلە خۆمەینی یە . حەسەن خۆمەینی لە بەرواری ٢٧ی ئازەر ی ١٣٩٤ ، بە ئامادەبوون لە وەزارەتی ووڵاتی ئێران بە فەرمی بۆ بەشداری لە هەڵبژاردەناکنی مەجلیسی " خۆبرێگانی ڕابەری " ناوی خۆی تۆمار کرد بەڵام بە هۆی بەشدار نەبوونی لە تاقیکردنەوەی " ئێجتیهاد " ، سەلاحییەتی ئەو لە لاین شەورای نیگەهبانی ئەو ووڵاتەوە ڕەت کرایەوە .