Cîhan
ناوی سێ کاندیدی دیکە لە لایەن هاوپەیمانی بونیادنانەوە بۆ پۆستی سەرۆکوەزیران ڕادەستی سەرۆککۆماری عێراق دەکرێت
پەیامی کورد ... هاوپەیمانی بونیادنانەوە ئەسعەد عەیدانی پارێزگاری بەسڕەی لە كاندیدكردن بۆ پۆستی سەرۆك وەزیران دوورخستەوە ئەویش دوای ڕەتكردنەوەی لەلایەن بەرهەم ساڵح وەک سەرۆککۆماری عێراق و فشاری خۆپیشاندەرانەوە ، و وا بڕیارە سێ كاندیدی دیكە پێشكەش بكات.
لەسەر ئەم بابەتە فازڵ جابر پەرلەمانتاری هاوپەیمانی بونیادنانەوە لەلێدوانێكی رۆژنامەوانیدا ڕایگەیاند : "بونیادنانەوە ئەسعەد عەیدانی لە كاندیدبوون بۆ پۆستی سەرۆك وەزیران دوورخستوەتەوە".
روونیشیكردوەتەوە، هاوپەیمانێتییەكە سێ پاڵێوراوی دیكە پێشكەش دەكات ئەوانیش "عەبدۆلغەنی ئەسەدی، تۆفیق یاسری و موحەمەد تۆفیق عەللاوی"ین.
ئەو پەرلەمانتارە باسی لەوەكردوە، هاوپەیمانی بونیادنانەوە لە ماوەی چەند كاتژمێری داهاتوودا ناوی ئەو كاندیدانە پێشكەش بە سەرۆك كۆمار دەكات.