ڕاگەێندراوی تایبەتی وەزارەتی بەرگری ڕووسیا
پەیامی کورد ... وەزارەتی بەرگری ڕووسیا لەناوچوونی زیاتر لە ٨٧ هەزار تێرۆریستی لە ئۆپراسیۆنەکانی ڕووسیا لە سووریای ڕاگەیاند .
بە پێی ڕاپۆرتێک ، وەزارەتی بەرگری ڕووسیا ڕایگەیاند کە لە ئاکامی ئۆپراسیونی تایبەتی وەزارەتی بەرگری ڕووسیا لە سووریا نزیکەی ٧٠ هەزار سەربازی ڕووسیا بەشدارییان هەبووە .
وەزارەتی بەرگری ڕووسیا ڕایگەیاند کە زیاتر لە ٦٥ هەزار سەرباز و لەوانەش ٤٦٠ ژەنڕاڵ لەم ئۆپراسیۆنەدا ئەزموونی شەڕیان بە دەست هێناوە .
لە ناو خاکی سووریادا لە تەواوی بەشەکانی ئەرتەشی ڕووسیا ، سەربازان و فەرماندەکانی هەنگەکان ئامادە بوون . ٨٧ لە سەدی کارمەندانی بەشی زەربەتی – تاکتیکی هێزی ئاسمانی و ٩١ لە سەدی کارمەندانی فڕۆکەوانی ئەرتەش و ٩٧ لە سەدی کارمەندانی فڕۆکەوانی سەربازی – هاتن و چوون و ٦٠ لە سەدی کارمەندانی فڕۆکەوانی ستراتیجیکی دوور فڕین لە بە دەست هێنانی ئەزموونی " سووری " بەشدار بوون .
بە پێی بەیاننامەی وەزارەتی بەرگری ڕووسیا ، لە ئاکامی ئۆپراسیۆنی ڕووسیا لە سووریا زیاتر لە ٨٧ هەزار تێرۆریست لە ناو چوون کە ٤٥٠٠ تێرۆریست لە ووڵاتانی کۆمەڵگا هاو سووس بوون. لەم ئۆپراسیۆنەدا زیاتر لە هەزار ئۆردووگای بیاوانی و نزیکەی ١٠ هەزار کۆگای چەک و تەقەمەنی و سووتەمەنی تێرۆریستەکان لەناو چوو .
وەزارەتی بەرگری ڕووسیا هەروەها جەختی کردەوە کە ٦٥٠ تانک و زیاتر لە ٧٠٠ ئۆتۆمبێلی شەڕی تێرۆریستان لە ئاکامی ئۆپراسیۆنی دژە تێرۆریستی لە سووریا لەناو بردراوە .
لە بەیاننامەکەدا هاتووە : بە هاوکاری کارمەندانی سەربازی یەکە چەکدارەکانی ڕووسیا هەموو فەرماندەکانی بنکە سەربازییەکانی ڕووسیا بەشدارییان کرد .
وەزارەتی بەرگری ڕووسیا هەروەها لە بەیاننامەکەدا ئاماژەی کردووە :" لە سەرەتای ئۆپراسیۆنەکانی دژە تێرۆریستی ڕووسیا لە سووریا لە ساڵی ٢٠١٥ دا ٩٢ لە سەدی خاکی ئەم ووڵاتەیان تێرۆریستەکان کۆنترۆڵیان دەکرد . لە حاڵی ئێستاش دا ٩٦.٥ لە سەدی خاکی سووریا لە بن کۆنترۆڵی هێزەکانی دەوڵەت و خەڵکانی خۆبەش دایە . "
هێزەکانی ڕووسیا لە ئۆپراسیۆنە دژە تێرۆریستی لە سووریا بەشداریان کرد لە زستانی ساڵی ڕابردوودا بە فەرمانی پووتین ئەم ووڵاتەیان بە جێشتووە . ئێستا ڕێژەیەکی کەم لە سەربازانی ڕووسی لە سووریا بوونیان هەیە