وەزارەتی دەرەوەی ئێران کاربەڕێکەری باڵیۆزخانەی فەڕەنسای لە وولاتەکەی بانگهێشت کرد
پەیامی کورد ... وەزارەتی دەرەوەی ئێران کاربەڕێکەری باڵیۆزخانەی فەڕەنسای لە وولاتەکەی بانگهێشت کرد
بە پێی زانیارییەکانی وەزارەتی کاروباری دەرەوەی ئێران لە کاردانەوەیک بەرامبەر بە بەیاننامەی دەستتێوەردەرانەی وەزارەتی کاروباری دەرەوەی فەڕەنسا ، بەشداری دوو کەس لە وەزیرانی ڕاوێژکاری دەوڵەتی فەڕەنسای لە ناڕەزایەتییەکان لە پاریس و هەنگاوی بێشەرمانەی بڵاوکرد نەوەی گۆڤاری شارلی ئێبدۆ ، کاربەڕێکەری باڵیۆزخانەی فەڕەنسا لە نەبوونی باڵیۆزی ئەو ووڵاتە لە لایەن سەرۆکی ئیدارەی دووهەمی ئەورووپای ڕۆژئاواوە بانگهێشتی وەزارەتی کاروباری دەرەوەی ئێران کرا .
لەم دیدارەدا جەخت کراوەتە لەسەر ئەوەی کە ئێران دەستوەردانی وەزارەتی دەرەوەی فەڕەنسا و هەبدێک لە بەرپرسانی فەڕەنسەوی لە کاروباری ناوخۆیی ئێران بە کەڵک وەرگرتن لە ووشە و شیکاریگەلێکی درۆئین مەحکووم دەکات .
هەروەها پێی ووتراوە بەیاننامەکەی وەزارەتی دەرەوەی فەڕەنسا بە دوای ئەوەیە ئەو کەسانەی کە ئاڵۆزییەکانیان ناوەتەوە کە ئامانجی ئەوان جگە لە وێرانکردنی مۆڵک و ماڵی گشتی و هەڕەشە لە گیان و ماڵی خەڵکیان نەبووە پاک بکاتەوە .