گوازرانەوەی سێ ئەندامی ناوەندی نووسەرانی ئێران بۆ بەندیخانەی ئێڤین
پەیامی کورد ... گوازرانەوەی سێ ئەندامی ناوەندی نووسەرانی ئێران بۆ بەندیخانەی ئێڤین
سەر لە بەیانی ڕۆژی شەممە ٢٦ی ئەیلوولی ٢٠٢٠، سێ ئەندامی ناوەندی نووسەرانی ئێران بە ناوەکانی "ڕەزا خەندان" ، "بەکتاش ئابتین" و "کەیوان باژەن" بۆ تێپەر کردنی ماوەی حوکمەکانیان بە تۆمەتی "پڕۆپاگاندا بە دژی نیزام" و "کۆبوونەوە و پێکهاتن بۆ هەنگاو بە دژی ئەمنیەتی وڵات" بۆ زیندانی ئەوین گواستراونەتەو.
ڕەزا خەندان و بەکتاش ئابتین، دوو ئەندامی لێژنەی دەبیرانی ناوەندی نووسەرانی ئێران هەر یەک بە شەش ساڵ و کەیوان باژەن، ئەندامی پێشووی لێژنەی دەبیران بە سێ ساڵ و شەش مانگ مەحکووم کراون.
ناوەندی نووسەرانی ئێران لە ماڵپەڕی فەیسبووکی خۆیدا ڕایگەیاند ئەم سێ نووسەرە ڕۆژی شەممە ٥ی ڕەزبەر لە بازنەی بەڕێوەبردنی حۆکم دا بەشدار بوون و کاتژمێر ٣ی دوانیوەڕۆ ڕەوانەی زیندانی ئەوین کراون.
لە هەمان کاتدا کۆمەڵێک لە ئەندامانی ئەم ناوەندە و ڕێژەیەک لە شاعیران و نووسەرانی سەربەخۆ، لە کاردانەوە بە بەڕێوەچوونی حوکمی ئەم سێ نووسەرە، لە بەرامبەر زیندانی ئەوین کۆبوونەوە و ناڕەزایەتی خۆیان دەربڕی.