ئێران ههڵوێستی خۆی لهبارهی دانوستان لهگهڵ واشنتن رووندهكاتهوه
پەیامی کورد ... مهحموود واعزی، بهڕێوبهری ئۆفیسی سهرۆك كۆماری ئێران دهڵێت: "قسهكردن لهبارهی دیداری نێوان حهسهن روحانی سهرۆك كۆماری ئێران و دۆناڵد ترهمپ، سهرۆك كۆماری ئێران، پێش دروستبوونی متمانه راست نییه، چونكه پێویسته واشنتن پێش دانوستان سزاكانی سهر ئێران ههڵبگرێت".
ئهمڕۆ چوارشهممه 28/8/2019، واعزی له لێدوانێكی رۆژنامهوانیدا گووتی: "حكوومهتی ئێران و وهزارهتی دهرهوه ههموو ئامرازهكان دهقۆزنهوه بۆ ئهوهی سزاكانی سهر ئێران ههڵبگیرێت، بهڵام دیدار تهنها له پێناو ئهنجامدانی دیدارێك هیچ كێشهیهك چارهسهر ناكات".
ئهو بهرپرسه ئیرانییه دهڵێت: "ئهگهر ئهمهریكا دهیهوێت پهیڕهویی ههر رێگایهك بكات لهگهڵ ئێران، پێویسته لهسهری یهكهمجار ههڵهكانی خۆی راستبكاتهوه كه پهیوهسته به سزاكانی سهر تارانهوه".
دهربارهی رێككهوتننامهی ئهتۆمیش گوتوویهتی: "پێویسته ئهمهریكییهكان بگهڕێنهوه بۆ گرووپی 5+1 و پابهندبن به پهیماننامهكانی ناو رێككهوتننامهكهوه".
ههروهها ئاماژهی بهوهكردووه، ئێران پابهندییهكانی به رێككهوتنهكه له ههنگاوی سێیهمدا زۆر كهمتر دهكاتهوه، ئهگهر دانوستان لهگهڵ ئهوروپا هیچ بهرههمێكی نهبێت.