ئێران ڕایگەیاند ئامادەیە لە چوارچێوەی پیلانێكی گشتگیردا پابەندی رێككەوتننامە ئەتۆمیەكە بێت
پەیامی کورد ... جێگری یەكەمی سەرۆك كۆمای ئێران رایگەیاند، ووڵاتەكەی ئامادەیە لە چوارچێوەی پیلانێكی گشتگیردا پابەندبێت بە رێككەوتننامە ئەتۆمیەكەوە.
بە پێی هەواڵ و زانیارییەکان ئیسحاق جەهانگیری، جێگری یەكەمی سەرۆك كۆماری ئێران لەمیانەی لێدوانێكدا لە دیدای ووڵاتانی دەریای قەزوین لە توركمەنستان ئەمڕۆ دووشەممە ١٢ی ئۆگۆستی ٢٠١٩ ڕایگەیاند : " ئێران ئامادەی هاوكارییە لەگەڵ سەرجەم ووڵاتانی جیهان و لە چوارچێوەی پلانێكی گشتگیردا بە شێوەیەكی ئاشكرا پابەندبێت بە رێككەوتننامە ئەتۆمیەكەوە".
ئەو ووتانەی ئێسحاق جەهانگیری لەكاتێكدایە، دوێنێ یەكشەممە عهباس مووسهوی، ووتهبێژی وهزارهتی دهرهوهی ئێران رایگهیاند،" ساڵانێكە ئهمریكییهكان چاوەڕێن، تاران دەستپێشخەری بكات و پەیوەندیان پێوە بكات بۆ ئەنجامدانی گفتوگۆ، بەڵام ئەمە هەرگیز ڕوونادات لە كاتێكدا ماف و یاسا نێودەوڵەتییەكان ڕەچاو نەكرێت".
راشیگەیاند،"مرۆڤی ژیر لەكاتێكدا دەخرێتە ژێر فشارەوە و بەچەك هەڕەشەی لێدەكرێت، گفتوگۆو دانووستان ئەنجامنادات. ئەمریكییەكان لەلایەكەوە وەزیری دەرەوەی ئێران و رابەری باڵا بلۆك دەكەن، لەلایەكی دیكەشەوە داوا دەكەن ئێران پەیوەندیان پێوە بكات بۆ دانووستان.