ئۆکراینا پەیوەندی خۆی بە هەوڵی تیرۆری پۆتین ڕەددەکاتەوە

پەیامی کورد... ئۆکراینا پەیوەندی خۆی بە هەوڵی تیرۆری پۆتین ڕەددەکاتەوە

به‌رپرسێكی سه‌رۆكایه‌تیی كۆماری ئۆكرانیا جه‌ختیكرده‌وه‌ كه‌ وڵاته‌كه‌ی هیچ په‌یوه‌ندییه‌كی به‌و هێرشه‌ نییه‌ كه‌ به‌ فڕۆكه‌ی بێفڕۆكه‌وان كرایه‌سه‌ر كۆشكی سه‌رۆكایه‌تیی روسیا.

به‌رپرسه‌كه‌ی ئۆكرانیا حكومه‌تی روسیای تۆمه‌تبار كرد به‌وه‌ی مۆسكۆ ئه‌و هێرشه‌ ده‌كات به‌ بیانوو بۆ ئه‌نجامدانی هێرشێكی به‌رفراوان بۆسه‌ر كیێڤ و هه‌ر هێرشێكیش كه‌ روسیا بیكات، هیچ له‌ رێچكه‌ی جه‌نگه‌كه‌ ناگۆڕێت.

ئه‌وه‌ش له‌كاتێكدایه‌ كه‌ ئه‌مڕۆ چوارشه‌ممه‌ کۆشکی سەرۆکایەتیی روسیا ناسراو به‌ "كریملین" له‌ راگه‌یه‌ندراوێكدا ئاشكرایكرد: شەوی رابردوو هەواڵگریی روسیا و سوپای وڵاته‌كه‌یان هەردوو درۆنه‌كه‌یان له‌ ئاسمانی سه‌رۆ كۆشكی سه‌رۆكایه‌تی ته‌قاندوه‌ته‌وه‌و ڤلادیمیر پوتن لەو هێرشەدا هیچ زیانێکی بەرنەکەوتووە.

" بەرپرسیاریێتیی هێرشەکە له‌ ئەستۆی ئۆکرانیایه‌ و روسیا بە مافی خۆی دەزانێت لە کات و شوێنی گونجاو وەڵامبداتەوە."" كۆشكی كریملین وای وتوه‌.