Cîhan
روسیا سەرجەم رێککەوتن و گرێبەستەکانی لەگەڵ ئەوروپا ھەڵدەوەشێنێتەوە
پەیامی کورد... روسیا سەرجەم رێککەوتن و گرێبەستەکانی لەگەڵ ئەوروپا ھەڵدەوەشێنێتەوە
حکومەتی روسیا سەرجەم گرێبەست و رێککەوتنەکانی لەگەڵ ئەوروپا ھەڵدەوەشێنێتەوە و بڕیارەکەش ئاراستەی پوتن و پەرلەمانی وڵاتەکەی دەکات.
حکومەتی روسیا رایگەیاند، ھەنگاوەکانی ئەوروپا لە دژی روسیا و سەپاندنی چەندین جۆری سزا، ھیچ رێگەیەکی نەھێشتووەتەوە بۆ بەردەوامبوونی پەیوەندییەکانیان و پابەندبوون بەو رێککەوتنانەی لەنێوانیاندا ھەیە، بۆیە بڕیارێکی رەسمییان دەرکردووە بۆ ھەڵوەشاندنەوەی سەرجەم گرێبەست و رێککەوتنەکانیان لەگەڵ ئەوروپا.
ئاماژەی بەوەشکردووە، بڕیارەکە ئامادەکراوە بۆئەوەی ئاراستەی ڤلادیمیر پوتن سەرۆکی روسیا بکرێت بۆ پەسەندکردنی و دواتریش رەوانەی ئەنجومەنی دۆما دەکرێت کە پەرلەمانی روسیایە بۆئەوەی دەنگی لەسەر بدرێت و بخرێتە بواری جێبەجێکردنەوە.