پایسکلی Mando Footloose لە جیاتی زنجیر لە کارەبا بۆ گواستنەوەی هێز کەڵک وەردەگرێت
پەیامی کورد ... پایسکلی Mando Footloose لە جیاتی زنجیر لە کارەبا بۆ گواستنەوەی هێز کەڵک وەردەگرێت
لەم شێوەیەدا ووزە دەکەوێتە سەر پێداڵەکان لە جیاتی گواستنەوەی بە شێوەی مێکانیکی ، بە کەڵک وەرگرتن لە ڕەوشگەلی ئێلتکتریکی بۆ چەرخی دواوەوەی دەگات . لێرەوە پێداڵ ژەنەڕاتۆرێکی ئێلێکتریکی چالاک دەکات و دواتر ئەو هێزە کە بەدی دێت دەبێتە هۆی سووڕانی چەرخ دواوە .
ژەنەڕاتۆرێک کە لەم پایسکلە کەڵکی لێ وەردەگیرێت دەتوانێ شێوەی چالاکی خۆی بگۆڕێت تاکوو پایسکل سواری بە شێوەیەکی باشتر و بە تێچوویەکی سەقامگیرتر پێدان لێبدات . سەرەڕای ئەمە سرووشتییە کە لەم شێوەیەدا چێتر کێشەی کەوتنی زنجیر یا خود گیرکردنی جل و بەرگ لە زنجیرەکەدا بوونی نابێت .
ئەم شێوەیە هەروەها ئیزن دەدات تاکوو ووزەی پاشەکەوت لە سەرەوژوورییەکان لە پاترییەک یا خود مەخزەنێکی گەورەدا پاشەکەوت ببێت . هەروەها نەبوونی زنجیر دەتوانێ دەستی دیزاینەرانی پایسکلەکان بە کراوەیی بهێڵێت تاکوو داهێنانی زیاتر بۆ بەدیهێنانی شێوەیەکی نوێ لەم بەرهەمانەدا هەبێت .