سەرۆکی ڕێکخراوی ووزەی ئەتۆمی ئێران ... ئێمە توانیمان ئۆکسیجێنی ١٧ بە ٩٧ لە سەد بە هەنگاوی توێژەرەکانمان بە دەست بهێنین
پەیامی کورد ... ئۆکسیجێنی ١٨ بە ۹۷ لە سەدا بێ خهوشی که تەنیا چەند ووڵاتێکی جیهاندا بەرهەمدەهێنرێت ، لە ڕێئاکتۆری ئەراک " لە ئێران " بەرهەم هات.
بە پێی ڕاپۆرتێک عەلی ئەکبەر ساڵحی سەرۆکی ڕێکخراوی ووزەی ئەتۆمی ئەوڕۆ لە پەراوێزی ڕوونوێنی لە ئامێری نوێیی نەخۆشخانەی مێهری خەنداب ، ڕایگەیاند: لە ئێستادا لە ڕێئاکتۆری توێژینەوەیی مەزرینگەی ئاوی قورسی ئەراک ناسراو بە "ڕێئاکتۆری توێژینەوەیی خەنداب" هەنگاوی توێژینەوەیی بەرز و بەربڵاو هەڵگیراوە و توێژەران توانیویانە لە ئاوی قورسی بەرهەم هاتوو دووترێگەلی جۆراوجۆر بەرهەم بێنن و بەستێنی لەبار و فراوان بۆ کەڵک وەرگرتن لەو ئاوە قورسە لە ووڵاتدا بڕەخسێنن، چوونکە ئاوی قورس بۆ بەرهەم هێنانی دەرمانی نوێ و نوێیئاوێتە بەهرەی زۆری لێ وەردەگیردرێت.
سەرۆکی ڕێکخراوی وزەی ئەتۆمی ڕاشیگەیاند: توێژەرانی سایتی خەنداب توانیویانە ئۆکسیژێنی ١٨ بە لە سەدا ٩٧ بێ خهوشی به دەفرایەتی ٦٠ کیلۆگرام لە ساڵدا لە ڕێئاکتۆری مەزرینگەی ئاوی قورسی ئەراک بەرهەم بێنن و هەنگاوی کۆتایی و وردبینانەی ئەم توێژینەوەیە کە ئەلەکترۆلیزە بەمزووانە هەڵدەگیردرێت.
ساڵحی لە درێژەدا وتی: ژمارەی ووڵاتانەی کە توانای بەرهەم هێنانی ئۆکسیجێنی ١٨ بە ڕەسەنایەتی لە سەدا ٩٧یان هەیە زۆر کەمن و ئێمە پێشتر ئۆکسیجێنی ١٨مان بە نرخی هەر کیلۆ ٣٠ هەزار دۆلار لە دەرەوە دەکڕی و هاوردەمان دەکرد و ئێستا لە سایەی توێژەرەکانمان لەوبارەیەوە خۆدابین بووینە و تەنانەت دەتوانین ئەو بەرهەمە هەناردە بکەین..
سەرۆکی ڕێکخراوی وزەی ئەتۆمی ئاماژەی بەوەش دا: بە گوێرەی ئامارەکان لە سەدا ٧٠ی هێزە دامەزراوەکان لە سایتی خەنداب خەڵکی ناوچەکەن و سەرەڕای تەواو فاکتەرەکان بۆ وەرگرتنی هێز لەو بوارە، دیسان هەوڵمان داوە هێزی مرۆیی بە کارگیراو لەم ناوەندە خەڵکی خۆجێی بن.