سەرۆک ئەرکانی گشتی سوپای بەریتانیا ... ڕووسیا لە داعش و قاعیدە مەترسیدارترە
پەیامی کورد ... سەرۆکی ئەرکانی گشتی سوپای بەریتانیا ڕایگەیاند : لە چاو گرووپە تیرۆریستییەکانی داعش و قاعیدە، ڕووسیا زۆر مەترسیدار ترە کە ئەبێ لەبەرچاو بگیردرێت.
مارک کارلتۆن ئێسمیت سەرۆک ئەرکانی گشتی سوپای بەریتانیا، لە گفتوگۆیەکدا لە گەڵ تێلێگراف ڕایگەیاند : ڕووسیا لە چاو گرووپە تووندڕەوەکانی وەکوو داعش و قاعیدە، هەڕەشەیەکی زۆر گەورەترە لە دژی ئاسایشی نەتەوەیی بریتانیا.
ناوبراو هەروەها ووتی : ڕووسیا هەوڵێکی سیستێماتیکی بۆ کەڵک وەرگرتن لە خاڵی لاوازی ڕۆژئاوا بە تایبەتی لە بڕێک بواری نا شەرعی وەکوو ئامێری سایبێری ، فەلەکناسی و ژێردەریایی دەست پێکردووە . ناتوانین هەڕەشەی ڕووسیا لە بەرچاو نەگرین یان خود وەڵامی نەدەینەوە.
ناوبراو ڕایگەیاند: گرینگترین ووڵامی سەربازی لە دژی ڕووسیا ، بەردەوام بوونی تواناکان و پتەو بوون لە چوارچێوەی ناتۆ یە.
ئەمە لە حاڵێکدایە ، کە ڕووسیا هەر جۆرە هەوڵێک بۆ دەست درێژی بۆ سەر ووڵاتانی ناتۆی ڕەت کردووەتەوە و لە پەرە سەندنی ناتۆ بۆ ناو سنوورەکانی ڕووسیا ڕەخنە دەگرێت