٥٠٠ کەسایەتی ئێرانی لە نامەیەکدا بۆ بایدن داوای هێشتنەوەی ناوی سوپای پاسداران لە لیستەی ڕێکخراوە تێرۆریستییەکان دەکەن
پەیامی کورد ... ٥٠٠ کەسایەتی ئێرانی لە نامەیەکدا بۆ بایدن داوای هێشتنەوەی ناوی سوپای پاسداران لە لیستەی ڕێکخراوە تێرۆریستییەکان دەکەن
زیاتر لە ٥٠٠ کەسایەتی ئێرانی دیار و بەرچاوی دانیشتووی ئەمریکا لە نامەیەکدا بۆ جۆ بایدن سەرۆککۆماری ئەمریکا داواکاری هێشتنەوەی ناوی سوپای پاسداران لە لیستەی ڕێکخراوە تێرۆریستییەکان بوون .
لە نامەی کۆمیەتی کاتی پسپۆڕانی ئێران بۆ سەرۆککۆماری ویلایەتەیەکگرتووەکان کە زیاتر لە ٥٠٠ کەسایەتی ئێرانی بەرچاو و دیاری دانیشتووی ئەمریکا واژوویان کردووە ١٢ی ئەیپریل داوا لە دەوڵەتی ئەمریکا کرا تاکوو ناوی سوپای پاسداران لە لیستەی ڕێکخراوە تیرۆریستییە بیانییەکانی وەزارەتی دەرەوەی ئەمریکا " ئێ ، تی ، ئۆ " دەرنەهێندرێت .
لەم نامە سەرکراوەیەدا بە بایدن جەخت کراوەتەوە کە سوپای پاسداران و هێزی سوپای قودسی سەر بە ئەو کۆڵەگەی ڕژیمی تاران بۆ هەنگاوگەلی خراپەکارانەی دەرەوەی سنوورەکان لە ناوجەکە و جیهان و لە کەرەستەگەلی سەرکوتکردن لە دژی خەڵکی ئێران ە .
لەم نامەیەدا جەخت کراوەتەوە کە هەر جۆرە ڕێکارێک بۆ دەرهێنانی ناوی سوپای پاسداران لە لیستەی ڕێکخراوە تیرۆریستییەکان " گرینگی نەدانی ئاشکرا بە ئارمانگەل و بەرخۆدانی مەشرووعی ئێرانیان بۆ ئازادی و کەرامەتی مرۆڤایەتییە .
واژووکەرانی ئەم نامەیە داوایان لە دەوڵەتی بایدن کرد کە لە پاڵ خەڵکی ئێران و بەرخۆدانەکانی ئەوان بۆ گەیشتن بە ئاشتی ، ئازادی و کۆمارێکی نائەتۆمی دابن .
لەم ڕاستایەدا هەروەها بەرامبەر هەر جۆرە ئەگەری پێدانی خاڵی گرینگ لە لایەن ئەمریکاوە بۆ نیزامی حۆکمڕانی ئێران کە هەنگاوگەلی ناسەقامگیرکەری ئەوان زیاتر پەرە بە ئاڵۆزی و نائەمنی لە ناوچەکە و جیهان دەدات نیگەرانی خۆیانیان دەربڕیوە .