نیۆیۆرک تایمز : بەهۆی هەڵمەتەکانی ئەمریکا بۆ سەر بەلەمەکانی گومان لێکراو بۆ قاچاخ کردنی ماددە هۆشبەرەکان، زیاتر لە ٢٠٠ کەس کوژران.
PeyamaKurd - نیۆیۆرک تایمز : بەهۆی هەڵمەتەکانی ئەمریکا بۆ سەر بەلەمەکانی گومان لێکراو بۆ قاچاخ کردنی ماددە هۆشبەرەکان، زیاتر لە ٢٠٠ کەس کوژران.
ڕۆژنامەی نیۆیۆرک تایمز بڵاویکردەوە، لە ئەنجامی زیاتر لە ٦٠ هێرشی سەربازی ئەمریکا بۆ سەر بەلەمەکانی گومان لێکراو بۆ مادەی هۆشبەر لە کەنارئاوەکانی ئەمریکای باشوور، لانیکەم ٢٠٢ کەس کوژراون.
بەگوێرەی ڕاپۆرتەکە، کۆمەڵگەی ماسی گرتن لە کۆلۆمبیا و ئیکوادۆر دەڵێن، ئەو ئۆپراسیۆنانە زیانی زۆریان بە ئابووری ناوخۆیی گەیاندووە، بەو پێیەی زۆرجار بەلەمەکانی ماسی گرتن زۆر لە بەلەمە خێراکان دەچن کە قاچاخچییەکان بەکاری دەهێنن.
دانیشتوانی ناوچەکە ترسێکی بەرفراوان و دابەزینی چالاکییەکانی ماسی گرتن و زیانێکی زۆر بە بژێوی شارۆچکە کەنارییەکانیان ڕاگەیاندووە.
هەروەها ڕۆژنامەی نیۆیۆرک تایمز لە زاری ڕەخنەگرانی ئەو سیاسەتەوە ڕایگەیاندووە کە هێشتا بەڵگەی پێویست نییە بۆ ئەوەی نیشان بدات کە ئۆپراسیۆنەکان کاریگەرییەکی بەرچاویان لەسەر کەم کردنەوەی بازرگانی کردن بە کۆکایین بۆ ئەمریکا هەبووە.