بە پێی بڕیاری ئیدارەی هەوڵێر ٢٠٠ هەزار نەمام لە سنووری پاریزگای هەولێر دەچێندرێت
پەیامی کورد ... بە پێی بڕیاری ئیدارەی هەوڵێر ٢٠٠ هەزار نەمام لە سنووری پاریزگای هەولێر دەچێندرێت
بڕیارە لە سنووری پارێزگای ھەولێر ٢٠٠ ھەزار درەخت و نەمام بچێندرێن و بەڕێوبەری ئەندازەی پارکەکانی ھەولێریش دەڵێت، لە قۆناغی یەکەمدا ٣٠ ھەزار نەمام دەچێندرێن بۆ زیادکردنی ڕێژەی سەوزایی.
ڕێبین ئەحمەد، بەڕێوبەری ئەندازەی پارک و باخچەکانی ھەولێر، ڕایگەیاند: "ئیدارەی ھەولێر بڕیاری داوە لەم وەرزەدا کە بۆ نەمامچاندن گونجاوە ٢٠٠ ھەزار نەمام بچێندرێن و بڕیارە لە چەند ڕۆژی داھاتوو وەک قۆناغی یەکەم ٣٠ ھەزار نەمام بچێنین، دواتر ھەڵمەتێکی دیکەی چاندنی درەخت بە سەرپەرشتیی پارێزگاری ھەولێر بەڕێوە دەچێت."
بەڕێوبەری پارکەکانی ھەولێر ووتی: "بەشی زۆری نەمامەکان بەرھەمی بەڕێوەبەرایەتیی ئەندازەی پارک و باخچەکانە و لەلایەن نەمامگەکانی خۆمانەوە بەرھەم ھێندراون."
ڕێبین ئەحمەد جەختی کردەوە: "لە سەرەتای وەرزی بەھارەوە دەست بە چاندنی درەخت و نەمام کراوە و جگە لە بەرھەمی پارک و باخچەکان لەلایەن پارێزگاری ھەولێریشەوە ژمارەیەکی بەرچاو درەخت دابین کراوە."