بە پێ بڕیارێکی گرینگ هەر کەسێک ئەم یاسایە جێبەجێ نەکات مۆڵکەکەی دەستی بەسەردا دەگیرێت

پەیامی کورد     ...    بە پێ بڕیارێکی گرینگ هەر کەسێک ئەم یاسایە جێبەجێ نەکات مۆڵکەکەی دەستی بەسەردا دەگیرێت

جێگری سەرۆکی لیژنەی نەزاھەی پەرلەمانی کوردستان ڕایگەیاند ، حکوومەتی ھەرێمی کوردستان بڕیاری داوە ئەوەی قەرز و موڵکی حکوومەتی لایە پێویستە بیگەڕێننەوە، ئەگەرنا دەست بەسەر موڵکەکانییاندا دەگیرێت و سەفەرکردنیشیان لێ قەدەغە دەکرێت.

سەعید ھەرکی، جێگری سەرۆکی لیژنەی نەزاھەی پەرلەمانی کوردستان ڕایگەیاند : "ھەرکەسێک لە ھەرێمی کوردستان قەرزی حکوومەتی لابێت پێویستە بگەڕێنێتەوە و مۆڵەتێکیان پێ درابوو، ئەویش تەواو بووە و ئێستا ئەوەی نەیگەڕاندووەتەوە، دەست بەسەر موڵکیاندا دەگیرێت تا قەرزەکە دەگەڕێننەوە، یاخود لەجیاتی قەرزەکە وەری دەگرن و ئەو ھەنگاوەش دەستی پێ کردووە."

جێگری سەرۆکی لیژنەی نەزاھە ووتیشی: "جگە لەوەش، ئەوەی موڵکی حکوومەتی داگیر کردبێت پێویستە بیگەڕێنێتەوە و ھەموو موڵکەکانی حکوومەت کە ھی گشتین وەریان دەگرنەوە."

هەرکی هەروەها ووتی : "ڕێگەیان پێ نادرێت سەفەری دەرەوەش بکەن تاوەکوو ئەوانەی دۆسیەی قەرز، یان موڵکی حکوومەتیان لایە یەکلایی دەکرێتەوە."