بە فەرمانی سەرۆکی حکوومەت بڕی ٥٠٠ میلیۆن دینار بۆ تەندروستیی هەڵەبجە تەرخان کرا
پەیامی کورد ... بە فەرمانی سەرۆکی حکوومەت بڕی ٥٠٠ میلیۆن دینار بۆ تەندروستیی هەڵەبجە تەرخان کرا
بەفەرمانی سەرۆکی حکوومەتی هەرێمی کوردستان بە مەبەستی دابینکردنی ئامێر و پێداویستی پزیشکی پێویست بڕی ٥٠٠ ملیۆن دینار بۆ تەندروستی هەڵەبجە تەرخان کرا.
وەزارەتی تەندروستیی حکوومەتی هەرێمی کوردستان لە ڕاگەیەندراوێکدا ڕایگەیاند: "ئەمڕۆ شەممە ٥ی٩ی٢٠٢٠. بە فەرمانی (مەسرور بارزانی) سەرۆکی حکوومەتی هەرێمی کوردستان و لە چوارچێوەی هەوڵەکانی حکوومەتی هەرێمی کوردستان بۆ بەرەنگاربوونەوەی نەخۆشی کۆرۆنا، بڕی ٥٠٠ ملیۆن دینار بۆ تەندروستی پارێزگای هەڵەبجە تەرخانکرا".
ئەوەش خراوەتە روو، کە ئەم بڕە پارەیە بۆ دابینکردنی ئامێر و پێداویستی پزیشکی پێویست، کە بەشێکە لە بودجەی فریاگوزاری حکوومەتی هەرێم بۆ بەرەنگاربوونەوەی نەخۆشی ڤایرۆسی کۆرۆنا کە بۆ دەڤەر و پارێزگاکانی هەرێم تەرخانکراوە.