بەپەلە ... ئاسایشی هەولێر لە سەر قسەکانی لاهوور جەنگی ڕاگەێندراوێکی بڵاو کردەوە

بەڕێوبەری ئاسایشی هەولێر لە ڕاگەێندراوێکدا قسەکانی لاهوور جەنگی بە درۆ دەخاتەوە

لە ڕاگەێندراوی ئاسایشی هەولێردا هاتووە هیچ کەسێک لە شاری هەولێر دەستبەسەر نەکراوە .و قسەکانی لاهور جەنگی دوورن لە ڕاستی .

 یەکێک لە ئەندامانی خیانەتکاری ١٦ ی ئۆکتۆبەر لە ناو حزبی یەکیتی ، لاهوور جەنگی یە کە دوای بەشداری کردنی لە پڕۆسەی دەنگدان ڕایگەیاندووە کە شەوی ڕابردوو ئاسایشی هەولێر چەند نوێنەرێکی یەکیتی نیشتیمانی کوردستانی دەست بەسەر کردووە .

هەر لەمبارەوە بەڕێوبەری ئاسایشی هەولێر " دکتۆر تارێق نووری " لە ڕاگەێندراوێکدا ووڵامی قسەکانی دایەوەو ووتی : ئەم قسانە دوورن لە ڕاستی و نوێنەری هیچ لایەنێکی سیاسی لە لایەن ئاسایشەوە دەست بەسەر نەکراوە .

هەروەها جەختی کردەوە : " ئەو " لاهوور " هەروا بۆ خۆی قسان دەکات ، ئازادە چی دەڵێت یا خود نایڵێت ، هەر لە خۆیەوە بۆختان درووست دەکات بەڵام هەموو ئەمانە ڕاست نێن ."

"دکتۆر تارێق نووری " هەروەها ووتی : نوێنەری پێکهاتە سیاسییەکانی ئەوەی کە خاوەنی کارت بێ ناویشی لە ناو ئەو بنکەیە دا نەبووبێ لەو ڕاستایەشدا هیچ کەسێک نەگیراوە و دەست بەسەر نەکراوە .

جا بۆیە ئەگەر شتێکی واش هەبوایە " بە تایبەت لە کۆمیسیۆن دەبوو دەستێوەردانی لە ئەم بابەتەدا بکردبا .