بەرپرسی ژووری ئۆپراسیۆنی هاوپەیمانان .... خوازیاری پەرەپێدانی هەماهەنگی لە گشت ناوچەکانین
پەیامی کورد ... مەسرور بارزانی ڕاوێژکاری ئەنجومەنی ئاسایشی هەرێمی کوردستان، پێشوازیی لە جەنەڕال ئۆستن ڕێنفۆرت، بەرپرسی ژووری ئۆپراسیۆنی هاوپەیمانان لە بەغدا و شاندی یاوەری کرد.
لەم دیدارەدا دوا پەرەسەندنەکانی ناوچەکە و پێشخستنی زیاتری میکانیزمی هەماهەنگی نێوان هێزه پەیوەندیدارەکان و ڕووبهڕووبوونهوهی هەڕەشەی تیرۆریزم گفتوگۆیان لەسەر کرا.
مەسروور بارزانی، وێڕای جهختكردنهوه له هاوکاریی زیاتری هێزی پێشمەرگە بۆ ڕێگریكردن له جمووجۆڵ و ڕووبهڕوبوونهوهی ههڕهشهكانی تیرۆریستان لە ناوچەکانی دەرەوەی ئیدارەی حکوومەتی هەرێمی کوردستان، بە پێویستی زانی بە هاوکاریی هەمەلایەنە هەرچی زووتر زەمینەی لەبار بۆ ئاساییکردنەوەی دۆخەکە بڕەخسێت و بە چارەسەری کێشە سیاسی و ئیداری و دەستوورییەکان، هۆکارەکانی سەرهەڵدانەوەی توندوتیژی بن بڕ بکرێن.
شاندی باڵای هاوپەیمانان پشتگیری خۆیان بۆ هەماهەنگی نێوان هێزی پێشمەرگە و هێزی هاوپەیمانان و هێزە عێراقییەکان دووبارە کردەوە و ڕایانگەیاند، خوازیارن ئەو هەماهەنگییانە لە گشت ناوچەکان پەرەیان پێ بدرێت. هەروەها دووپاتیان کردەوە، کە هێزەکانی هاوپەیمانان لە چاکسازی و هاوکاری و ڕاهێنان بە هێزی پێشمەرگە بەردەوام دەبن.