بەرهەم ساڵح لە ئەنجوومەنی وەزیرانی هەرێمی کوردستان لەگەڵ سەرۆکوەزیران " مەسروور بارزانی " لە کۆبوونەوەدایە
پەیامی کورد ... بەرهەم ساڵح، سەرۆک کۆماری عێراق کەمێک پێش ئێستا گەیشتە ئەنجوومەنی وەزیرانی هەرێمی کوردستان و لە ئێستادا لەگەڵ مەسروور بارزانی سەرۆکوەزیرانی هەرێم و قوباد تاڵەبانی لە کۆبوونەوەدایە.
بە پێی ئەم هەواڵە بەرهەم ساڵح بە سەرۆکایەتی شاندێکی باڵای عێراق و فوئاد حسێن، جێگری سەرۆکی وەزیرانی عێراق بۆ کاروباری ئابووری گەیشتوەتە ئەنجومەنی وەزیرانی هەرێمی کوردستان.
هاوکات سەمیر هەورامی، ووتەبێژی قوباد تاڵەبانی، جێگری سەرۆکی حکومەتی هەرێمی کوردستان رایگەیاند، لەکۆبوونەوەی سەرۆک کۆماری عێراق و سەرۆکایەتی حکومەتی هەرێمی کوردستان لەبارەی کێشە هەڵپەسێردراوەکانی نێوان هەولێر و بەغدا گفتوگۆ دەکرێت.
وتیشی، "تەوەری سەرەکی کۆبونەوەی پشکی هەرێمی کوردستان لە بودجەی 2020ی عێراق کە لە ئایندەدا رەوانەی پەرلەمانی عێراق دەکرێت و گفتوگۆی لەبارەوە دەکرێت".