Kurdistan
بوومەلەرزە شارێکی هەرێمی کوردستانی هەژاند
پەیامی کورد... بوومەلەرزە شارێکی هەرێمی کوردستانی هەژاند
دەزگای بوومەلەرزەزانی عێراق بڵاوی كردەوە، شەوی ڕابردوو بوومەلەرزەیەك لە سنووری پارێزگای هەولێر تۆمار كرا.
ئەمڕۆ شەممە، دەزگای بوومەلەرزەزانی عێراق بڵاویكردووەتەوە، شەوی ڕابردوو بەدیاریكراوی لە کاتژمێر ١٠ و پێنج خولەك، بوومەلەرزەیەك لە سنووری پارێزگای هەولێر تۆمار كرا.
ئاماژەی بەوەشکردووە، گوڕی بوومەلەرزەكە ٣.٢ بووە و لە سنووری شارۆكەی سیدەكان بووە لە قووڵایی حەوت كیلۆمەتر بووە، چەقی بوومەلەرزەكە بە دووریی ٢١ كیلۆمەتر لە ڕۆژهەڵاتی شارۆكەی سیدەكان بووە، بەڵام هیچ زیانێكی نەبووە.
ئەمەش لە کاتیکدایە ئەمساڵ دواین بوومەلەرزە لە پارێزگای دهۆک بوو لە هەرێمی كوردستان، کە مانگی ڕابردوو تۆمارکرا.