برێت مەکگۆرک وەک رێکخەری کاروباری رۆژهەڵاتی ناوەراست لەلایەن بایدنەوە دیاریکرا
پەیامی کورد ... برێت مەکگۆرک وەک رێکخەری کاروباری رۆژهەڵاتی ناوەراست لەلایەن بایدنەوە دیاریکرا
جۆ بایدن سەرۆکی هەڵبژێردراوی ئەمریکا، لەمیانی پڕکردنەوەی پۆسەتەکانی ئیدارەکەی، برێت مەکگۆرکی وەک رێکخەری کاروباری رۆژهەڵاتی ناوەراست و ئەفریقای باکور لە ئەنجومەنی ئاسایشی نیشتمانی دیاریکرد.
جۆو بایدن لە نوێترین هەنگاویدا چەندین پۆستی ئاسایشی نیشتیمانی بە بەرپرسانی پێشووی ئیدارەیی ئۆباما پڕکردەوە و رایگەیاند، ئەنجومەنی ئاسایشی نیشتمانی رۆڵێکی هەستیار دەبینێت لە پاراستن و پارێزگاریکردن لە نەتەوەی ئەمریکا.
بڕێت مەکگۆرک، پێشتر وەک نێردەی پێشووی هاوپەیمانان بۆ روبەروبوونەوەی داعش لە سوریا و عێراق کاریکردووە لەژێر سەرپەرشتی باراک ئۆباما و دۆناڵد ترەمپ.
مەکگۆرك لەساڵی ٢٠١٥ لەلایەن باراک ئۆباما، سەرۆکی ئەوکاتی ئەمریکا پۆستەکەی پێدرا و تا ساڵی ٢٠١٩ لە پۆستەکەیدا مایەوە.