"دەیان میلیون منداڵی لە ئەفغانستان لە بارودۆخێکی خراپدان
"پەیامی کورد..."دەیان میلیون منداڵی لە ئەفغانستان لە بارودۆخێکی خراپدان
سەندووقی پشتیوانی لە منداڵانی سەر بە ڕێکخراوی نەتەوە یەکگرتووەکان ئاشکرای کردووە، منداڵانی ئەفغانستان لە بارودۆخێکی زۆر ناخۆشدان و بۆ زیندوومانەوە پێویستییان بە یارمەتیی مرۆڤدۆستانەی خێرا هەیە.
سندووقی پشتیوانی لە منداڵان (یوونیسێڤ) بە بڵاوکردنەوەی ڕاگەیەندراوێک ئاشکرای کردووە، ١٠ ملیۆن منداڵ لە ئەفغانستان لە بارودۆخێکی خراپدان و بەهۆی بارودۆخی سیاسیی ئێستای ئەو وڵاتە و داگیرکردنی ئەو وڵاتە لەلایەن گرووپی تاڵیبانەوە بە ملیۆنان منداڵ ئێستا لەو وڵاتە گیانیان لە مەترسیدایە و پێویستی خێرایان بە یارمەتییە.
یوونیسێڤ لە بەشێک لە بەیاننامەکەی خویدا لە هەمبەر خراپیی باری گوزەرانی منداڵان هوشداری بە ڕێکخراوی نەتەوە یەکگرتووەکان داوە و ڕای گەیاندووە کە تەنیا لە ماوەی ساڵی ڕابردوودا بە ملیۆنان منداڵی ئەفغانی تووشی بارودۆخێکی ناجێگیری تەندروستی بوونەتەوە و ئەگەر یارمەتییە تەندروستی و پزیشکییەکان زۆر بە خێرایی نەگاتە دەستی منداڵانی ئەفغان، زۆرێکیان گیانیان لەدەست دەدەن.
لە ئەفغانستان زیاتر لە ٤ میلیۆن منداڵ مافی چوونە قوتابخانەیان نییە کە لەم ڕێژەیە ٢ ملیۆنیان کچن.