Kurdistan
دەستگیرکرانی ١٧ تیرۆریست لە کەرکووک
پەیامی کورد... دەستگیرکرانی ١٧ تیرۆریست لە کەرکووک
فەرماندەی پرۆسە هاوبەشەکانی کەرکووک ئاشکرای دەکات کە لە کەرکووک دەستیان بەسەر ٥٩ بۆمبی چێنراو و گرتووە و ژمارەیەک تیرۆریستی داواکراویشیان دەستگیر کردووە.
ئەمڕۆ ٣/٧/٢٠٢٢، فەریق عەلی فریجی، فەرماندەی پرۆسە هاوبەشەکانی کەرکووک، لە بەیاننامەیەکدا ئاشکرا کرد، "هێزە ئەمنییەکان لە کەرکووک دەستیان بەسەر ٥٩ بۆمبی چێنراو و ٧ پارچە چەک و ٥٥ گوللە هاوەن و هەشت کاتیۆشای جۆراوجۆردا گرتووە.
ئاماژەی بەوەش کردووە، لە هەمان کاتدا ١٧ تیرۆریستی داواکراویشیان دەستگیر کردووە و ٦٠ کەسی تریش بە تاوانی تری جۆراوجۆر دەستگیر کراون.
ئەوەشی ئاشکرا کردووە، حەوت مۆڵگەی تیرۆریستانی داعشیشیان لەناو بردووە.