فەرماندەیەکی حەشدی شعبی لە کەرکووک کوژران

پەیاما کورد ـ سەرکردەیەکی باڵای میلیشیاکانی حەشدی شەعبی لە بە ناوی عەلی خەلیفەی ناسراو بە (ئەبو زەهرا عەبادی)، جێگری فەرماندەی ئۆپەراسیۆنەکانی رۆژهەڵاتی دیجلەی حەشدی شەعبی لە سەر رێگەی خورماتوو - کەرکووک، کوژراوە.

میدیاکانی  نزیک لە حەشدی شەعبی بەبـێ ئاماژەکردن بەوەی بە دەستی کێ کوژراوە، کوژرانی ئەبو زەهرا عەبادییان پشتڕاست کردووەتەوە و بڵاویان کردووەتەوە، کە عەبادی رۆژی دووشەممە 2/7/2018 کوژراوە و بەشێک لە سەرچاوەکانیش باس لەوە دەکەن، کە عەبادی بەدەستی چەکدارانی رێکخراوی تیرۆریستی داعش کوژراوە.

ئەبو زەهرا عەبادی فەرماندەی لیوای 22ـی میلیشیای بەدر بوو، کە یەکێکە لە میلیشیاکانی حەشدی شەعبی.