پافڵ تاڵەبانی لە پێشوازی خۆی لە عەشیرەتی میراودەلی پەیامێکی گرینگ بڵاو دەکاتەوە
پەیامی کورد ... پافڵ تاڵەبانی لە پێشوازی خۆی لە عەشیرەتی میراودەلی پەیامێکی گرینگ بڵاو دەکاتەوە
بافڵ تاڵەبانی، هاوسەرۆکی یەکێتی نیشتمانی کوردستان پێشوازی لە سەرۆکی عەشرەتی میراودەلی کرد و رایگەیاند، یەكێتی دەبێتەوە بە یەكێتییە بەھێزەكەی جاران و لە ئاست خواست و چاوەڕوانی یەكێتییەكان و كۆمەڵانی خەڵكی كوردستان بەگشتی دەبێت و لەداھاتوودا دەرئەنجامی باش دەبینن.
نووسینگەی بافڵ تاڵەبانی لەراگەێندراوێکدا ، رایگەیاندووە، ئەمڕۆ سێشەممە بافڵ تاڵەبانی، هاوسەرۆکی یەکێتی نیشتمانی کوردستان لە دەباشان پێشوازی لە سەرۆکی عەشرەتی میراودەلی کرد، لەكۆبوونەوەیەكدا کە قوباد تاڵەبانی ئامادەی بوو، بافڵ تاڵەبانی باسی لە دوایین پێشهات و گۆڕانكارییەكان كرد و دڵنیای كردنەوە كە "ھەمو ئەو ھەنگاوانەی نراون لەپێناو بەرژەوەندی گشتیدا بوە و لە هەوڵەکانیشمان بەردەوام دەبین لە پێناو پاراستنی ئارامی ئەم دەڤەرە".
ئاماژەی بەوەشکردوە، "رێگریش لەھەر ھەوڵێك دەکەین كە ئامانج لێی تێكدانی سەقامگیری و چەواشەكردنی خەڵكی خۆشەویستی کوردستان بێت".
لەراگەێندرداوەکەدا هاتووە، "ھاوسەرۆكی یەكێتی ئەوەشی بۆ خزمانی عەشرەتی میراودەلی روونكردەوە كە یەكێتی دەبێتەوە بە یەكێتییە بەھێزەكەی جاران و لە ئاست خواست و چاوەڕوانی یەكێتییەكان و كۆمەڵانی خەڵكی كوردستان بەگشتی دەبێت و لەداھاتوودا دەرئەنجامی باش دەبینن".
ئەوەش خراوەتەڕوو، بافڵ تاڵەبانی ستایشی رۆڵی گرینگ و مێژووویی عەشیرەتی میراودەلی کرد و رایگەیاند، "ئێوە عەشرەتێكی تێكۆشەر و خاوەن ھەڵوێستی جوامێرانەن، ھەمیشە پاڵپشتی یەكێتییەكەی مام بون و ئێستاش ھەر ئەوەتان لێ چاوەڕوان دەكرێت".