Kurdistan
هاووڵاتییەکی مەریوانی دەستبەسەر کرا
پەیامی کورد... هاووڵاتییەکی مەریوانی دەستبەسەر کرا
ئالان برزوویی هاووڵاتیی خەڵکی مەریوان کە پێشتر لەلایەن دەزگای دادوەریی کۆماری ئیسلامیی ئێرانەوە سزای ٦ مانگ بەندکرانی بە سەردا سەپابوو، ڕۆژی دووشەممە ١٩ی بانەمەڕی ٢٧٢٢ بە مەبەستی تێپەڕاندنی سزای بەندکرانەکەی دەستبەسەر و ڕەوانەی بەندیخانەی ناوەندیی شاری سنە کرا.
بەگوێرەی ڕاپۆرتێکی هەنگاو، ئالان برزوویی لەم دوایییانەدا لەلایەن دادگای شۆڕشی مەریوانەوە بە تۆمەتی «ئەندامەتی لە حیزبی کۆمەڵەی شۆڕشگێڕی زەحمەتکێشانی کوردستانی ئێران» سزای ٦ مانگ بەندکرانی بە سەردا سەپاوە.
ئالان برزوویی پێشتر ماوەیەک لە هەرێمی کوردستان ئەندامی حیزبی کۆمەڵە بووە و دوای جیابوونەوە لەو حیزبە گەڕاوەتەوە بۆ زێدەکەی خۆی.