‌"هەرێم رەزامەندی دەربڕی لەرێگەی سۆمۆوە نەوت بفرۆشرێت"

بەپێی هەواڵێکی ئاژانسی رۆیتەرز، حکومەتی هەرێمی کوردستان رەزامەندی دەبڕیوە کە لەرێگەی کۆمپانیای سۆمۆە، نەوتی هەرێم بفرۆشرێت.
ئاژانسی رۆیتەرز لەزاری دوو سەرچاوەی باڵای بەشدار لەگفتوگۆكانی نێوان هەرێم و بەغدا بڵاویکردووەتەوە، کە حكومەتی هەرێم رەزامەندی دەبڕیوە بە هەناردەكردنەوەی نەوت و دانانی پارەكەی لەرێگەی كۆمپانیای سۆمۆوە، بەڵام بەو مەرجەی مافی ئەوەی هەبێت بڕێك نەوت بۆ بەكارهێنانی ناوخۆیی بەكاربهێنێت و عێراقیش شایستە داراییەكانی کۆمپانیای رۆز نەفتی روسی خەرج بكات.
ئاماژەی بەوەشکراوە، کە حکومەتی هەرێم بەغدای لەچارەسەرکردنێکی بەپەلە ئاگادارکردووەتەوە، بەڵام تائێستا لەلایەن حکومەتی عێراقەوە بەفەرمی وەڵام نەدراونەتەوە.