مەسروور بارزانی پیرۆزبایی لە مەحموود مەشهەدانی کرد

پەیامی کورد   ...   مەسروور بارزانی پیرۆزبایی لە مەحموود مەشهەدانی کرد

هەینی 1-11-2024، مەسروور بارزانی، سەرۆکی حکوومەتی هەرێمی کوردستان، لە پەیوەندییەکی تەلەفۆنیدا، پیرۆزبایی لە د. مەحموود مەشهەدانی کرد بە بۆنەی هەڵبژاردنی بە سەرۆکی ئەنجوومەنی نوێنەرانی عێراق و هیوای سەرکەوتنی لە ئەرکەکەیدا بۆ خواست.

هەر لە پەیوەندییە تەلەفۆنییەکەدا، سەرۆکی ئەنجوومەنی نوێنەرانی عێراق، سوپاس و پێزانینی خۆی بۆ پەیوەندی سەرۆکی حکوومەت دەربڕی و دڵنیایی دا، کە پشتیوان دەبێت لە جێبەجێکردنی دەستوور و چارەسەرکردنی کێشەکانی نێوان هەرێمی کوردستان و حکوومەتی فیدراڵ.