لەبارەى سوڕانەوەى فڕۆکەیەک بە ئاسمانى هەولێردا ڕونکردنەوە دەدریت
پەیامی کورد ... لەبارەى سوڕانەوەى فڕۆکەیەک بە ئاسمانى هەولێردا ڕونکردنەوە دەدریت
بەڕێوەبەرى فڕۆکەخانەى هەولێر رونکردنەوە لەبارەى ئەو فڕۆکەیەوە دەدات کە لە ئێوارەى دوێنێ (دووشەممە)ەوە بە ئاسمانى شارى هەولێردا دەسوڕێتەوە و دەنگەکەى بەشێک لە هاووڵاتیانى ئەو شارەى نیگەران و بێزار کردووە.
ئەحمەد هۆشیار بەڕێوەبەری فرۆكەخانەی نێودەڵەوتی هەولێر لە رونکردنەوەیەکدا کە وێنەیەکى دەست "ناس کورد" کەوتووە ئاماژەى بەوە کرد، فڕینی ئەو فڕۆكانە تەنها لە ئاسمانی هەولێر نییە و لەئێوارەی رۆژی دووشەممەوە هێزەكانی هاوپەیمانان ئۆپراسیۆنی تایبەتی خۆیان بەڕێوە دەبەن، هیچ مەترسیەكیش لەسەر هەولێر نییە.
وتیشی "فڕینی ئەو فڕۆكانە لە دەسەڵاتی ئێمەدا نییە و لە دەسەڵاتی حکومەتی عێراقە و ئەو فڕۆكانەش بە تەنها لەسەر ئاسمانی هەولێردا نییە، بەڵکو بە ئاسمانی چەند شارێکی دیکەشدا دەسوڕێنەوە".