لیژنەی باڵای رووبەڕووبوونەوەی کۆرۆنا ژمارەیەک بڕیاری گرینگی ڕاگەیاند
پەیامی کورد ... لیژنەی باڵای رووبەڕووبوونەوەی کۆرۆنا ژمارەیەک بڕیاری گرینگی ڕاگەیاند
جووتیار عادل، ووتەبێژی حکوومەتی هەرێمی کوردستان رایگەیاند، لە کۆبوونەوەی ئەمڕۆی لیژنەی باڵای رووبەڕووبوونەوەی کۆرۆنا ژمارەیەک بڕیار دەرچووە و لەبارەی راگەیاندنی قەدەغەی هاتووچۆشەوە هەموو ئەگەرەکان کراوەن لەبەردەم لیژنەکەدا.
جووتیار عادل ووتهبێژی حكوومهتی ههرێمی كوردستان لهكۆنگرهیهكی رۆژنامهوانیدا رایگهیاند، لهبهر پابهندنهبوونی هاوولاتیان بهڕێكارهكانی خۆپارێزی، ناچارین رێكارهكان تووند بكرێنهوه، لهرهنگی نارنجیدایه ههرێم و ئهگهری ههیه بگاته هێڵی سوور، لهم حاڵهته ناچار دهبین رێكاری زۆر تووندتر بگرینهبهر و قهدهغهی هاتووچۆش لهبهردهم لیژنهی باڵای رووبهڕووبوونهوهی كۆرۆنا كراوه دهبێت، ئهگهر ژمارهی تووشبووانی كۆرۆنا زۆر زیاتر بێت.
ووتیشی، "داوادهكهین سهرجهم هاووڵاتیان و خێزانهكان ههمووان پابهندی رێنماییهكانی كۆرۆنا بن و ببنه هۆكارێك بۆ رێگریكردن لهزیاتر بڵاوبوونهوهی ئهو ڤایرۆسه و هاوكاری حكوومهت بكهن، ئێستاش ئهركهكه دهكهوێته سهرشانی هاووڵاتیان و ئێمهش وهك حكوومهت به بهرپرس دهزانین و شانی دهدهینه بهر و ئهو رێكارهی پێویسته بۆ سهلامهتی خهڵكی كوردستان دهیگرینهبهر".
جووتیار عادل ئهوهشی ئاشكراكرد، "بۆ ماوهی ههفتهیهك ئهو رێكارانه جێبهجێدهكرێن، ههفتهی داهاتوو لیژنهی باڵای رووبهڕووبوونهوهی كۆرۆنا جارێكی دیكه كۆدهبێتهوه و ههڵسهنگاندن بۆ بارودۆخهكه دهكات".
دەقی بڕیارەكان:
یهكهم: پێویستە شوێنە ئایینی و بازاڕ و مۆڵ و دوکاندار و شوێنە گەشتیارییەکان و چێشتخانە و کافترا و ھۆتێل و مۆتێلەکان، کارمەندانەکانیان ڤاکسین بەکاربھێنن، یان تێستی کاتژمێری پێ بێت. لێژنەکان بە دواداچوونی بۆدەکەن و ھەر شوێنێک سەرپێچی بکات سزا دەدرێت و شوێنەکەی دادەخرێت.
دوهم: پێویستە ھەموو فەرمانبەرانی حکوومەتی ھەرێمی کوردستان، ڤاکسین وەربگرن و بە ماسکەوە دەوام بکەن، ھەر فەرانبەرێک رێکارەکان جێبەجێ نەکات، ئەوە بەپێی یاسای بەرزەفتی فەرمانبەران مامەڵەی لەگەڵ دەکرێت، لیژنەی ھاوبەشی وەزارەتی تەندرووستی و ناوخۆ و فەرمانگەی ھەماھەنگی و بە دواداچوونیش ھەڵسەنگاندنی بۆ جێبەجێکردنی رێکارەکان لە گشت دامودەزگاکانی حکوومەت دەکات.
سێیهم: رێگە نادرێت بە ھیچ کەشتیارێک بێتە ناو ھەرێمی کوردستان ئەگەر ڤاکسینی وەرنەگرتبێت یان تێستی ٤٨ کاتژمێری پێ نەبێت.
چوارهم: ھەر كۆمپانیایەكی گەشتیاری دەرکەوت تێستی ساختەی پێیە، ئەوە ئەو کۆمپانیایە لە گەشتکردن بۆ ھەرێمی کوردستان قەدەغە دەکرێت
پێنجهم: سەپاندنی بەستنی ماسک لە دامودەزگاکانی حکوومەت و شوێنە گشتی و گەشتیارییەکان تەنانەت بۆ ئەوانەش ڤاکسینیان وەرگرتوە
شهشهم: قەدەغەکردنی بە تەواوەتی ھەموو کۆڕ و کۆبوونەوە و کۆنفرانسەکان و چوونە سەرقەبران.
حهوتهم: مەلەوانگە و شوێنە وەرزشییەکان کراوەبن بە مەرجی جێبەجێکردنی رێکارە تەندرووستییەکان.
ههشتهم: ھۆڵی سینەماکان لە گشت مۆڵ و بازاڕەکان بە داخراوی دەمێنێتەوە.
نۆیهم: داخستنی تەواوی ھۆڵی بۆنە و ئاھەنگ و مەراسیم و ھۆڵەکانی ناو ھۆتێلەکان
دهیهم: دانانی پرسە بە ھەمو شێوەیێک قەدەغەیە و ھەر کەسێک پابەند نەبێت بە بڕێک پارە سزا دەدرێت و لیژنەکانی قائیمقامیەتیش بە دواداچوون بۆ جێبەجێکردنی دەکەن
یازدهیهم: شوێنە ئایینییەکان بە جێبەجێکردنی رێکارە تەندرووستییەکان کراوە دەبن و ھەر شوێنێک پابەند نەبێت ئەوە سزا دەدرێت و دادەخرێت.
دوازدهیهم: ژووری ئۆپراسیۆن لە پارێزگا و ئیدارە سەربەخۆکان دەبێت ئەم رێکارانە وەک خۆیان جێبەجێبکەن و دەستەڵاتیشیان پێ دەدرێت ئەگەر پێویست بێت رێکارەکان تووندتر بکرێت.
سێزدهیهم: لیژنەی باڵای بەرەنگاربوونەوەی کۆڕۆنا داوا لە میدیاکان دەکات ھاوکار بن لە ھۆشیارکردنەوەی ھاووڵاتییان.
چوارهدهیهم: ئەم رێکارانە بۆ ماوەی ھەفتەیێک دەبێت و لیژنەی باڵای بەرەنگاربونەوەی کۆرۆنا لە رۆژی 3-8-2021 جارێکت دیکە کۆدەبێتەوە و ھەڵسەنگاندن بۆ پرسی کۆرۆنا لە ھەرێمی کوردستان دەکات.