لیژنهی نهوت و غاز: ڕێككەوتنی نەوتیی نێوان بەغداد و هەرێمی کوردستان هەمیشەییە
پەیامی کورد... لیژنهی نهوت و غاز: ڕێككەوتنی نەوتیی نێوان بەغداد و هەرێمی کوردستان هەمیشەییە
لیژنەی نەوت و غازی پەرلەمانی عێراق ڕایدهگهیهنێت،"ڕێككەوتنی نەوتیی نێوان بەغداد و هەرێم هەمیشەییە"،دهشڵێت،"بڕیارەكەی دادگا هەموو لایەكی ناچاركرد گفتوگۆ بكات".
ڕۆژنامەی (الصباح)ـی عێراقی بڵاویكردووهتهوه،"لیژنەی نەوت و غازو سامانە سروشتیەكانی ئەنجومەنی نوێنەران ڕایدەگەیەنێت: بڕیاری هەناردەكردنی نەوتی هەرێم لەڕێی سۆمۆوە هەمیشەییە, وەك ئەوەی بڕیاری دادگای بازرگانی پاریس هەرێمی پابەند كردووە".
ئاماژه بهوهشدراوه،"كازم توكی ئەندامی لیژنەكە ڕایگەیاندووە: بڕیارەكەی دادگا هەرێم پابەندكردووە بە فرۆشتنی نەوتەكەی لەڕێی كۆمپانیای سۆمۆوە, هەمووانیشی ناچاركردووە لەسەر مێزی گفتوگۆ دابنیشن بۆ چارەسەری ئەو بابەتە".
ههروهها هاتووه،"بەگوێرەی ڕێككەوتنەكە, هەرێم ڕۆژانە (400-450)هەزار بەرمیل نەوت ڕادەستی سۆمۆ دەكات , چاودێری داراییش وردبینی بۆ داتاكانی فەرمانبەرانی هەرێم دەكات و شایستە داراییەكانی هەرێم دابین دەكات, ئەم بڕیارانەش هەمیشەین نەك كاتی".
بهپێی ڕاپۆرتی ڕۆژنامهكه،"ئەم ڕێككەوتنە, شەفافیەت و چاودێری هەردوولا بەرجەستە دەكات لە زانینی داهاتەكانی نەوت و كۆتایهێنان بەناكۆكیە كۆنەكان لەساڵی (2014)وە".