پەیامی سەرۆك بارزانی بۆ كۆچی دوایی د. ڕۆژ نووری شاوەیس
پەیامی کورد … پەیامی سەرۆك بارزانی بۆ كۆچی دوایی د. ڕۆژ نووری شاوەیس
سهرۆك مهسعود بارزانى پهیامێكى سهرهخۆشى بۆ كۆچى دوایی د. رۆژ نوورى شاوهیس، ئەندامی مەكتەبی سیاسیی پارتی دیموكراتی كوردستان بڵاو كردهوه.
ئهمڕۆ دووشهممه 15/2/2021، سهرۆك بارزانى پهیامێكى سهرهخۆشى د. رۆژ نوورى شاوهیس بڵاو كردهوه و دهڵێت: "بەداخێكی زۆرەوە سەرلەبەیانیی ئەمڕۆ دووشەممە پێشمەرگەی ماندوونەناس و تێكۆشەر و خەباتگێڕی نیشتیمانپەروەری گەلەكەمان و ئەندامی مەكتەبی سیاسیی پارتی دیموكراتی كوردستان، دكتۆر ڕۆژ نووری شاوەیس بەهۆی نەخۆشییەوە لە شاری هەولێر كۆچی دوایی كرد".
سهرۆك بارزانى ههروهها ئاماژهى بهوه داوه: "دكتۆر ڕۆژ نووری شاوەیس ئەو شۆڕشگێڕ و پێشمەرگە مەزنە بوو كە لە قۆناغە جیاجیاكانی خەباتی گەلەكەمان و پارتی دیموكراتی كوردستان، چ لە سەردەمی شاخ و چ لە قۆناغی سەروەریی یاسا و بەڕێوەبردن و ئاوەدانكردنەوەی كوردستان و قۆناغی دەستوور و بنیاتنانی عێراقی تازە و كاری سیاسی و دیپلۆماسی و شەڕی تیرۆردا بەرگریكاری سەرسەختی بەها و ئامانجەكانی گەلی كوردستان بووە، هەمیشە ئەرك و كارەكانی دڵسۆزانە و پێشمەرگانە و بە باشترین شێوە ئەنجام داوە".
له پهیامهكهدا سهرۆك بارزانى ئهوهشى خستووهته ڕوو: "دكتۆر ڕۆژ تەمەنی خۆی لەپێناو دۆزی ڕەوای گەلی كوردستان و بەدیهاتنی ئامانجە باڵاكانی گەلی كوردستان و بەرگریكردن لە خاك و گەل تەرخان كرد و لەو ڕێگەیەدا پێشمەرگەیەكی بوێر و بە وەفای ڕێبازی بارزانی و كوردایەتی بوو. كۆچی دوایی دكتۆر ڕۆژ بۆ هەموومان كۆستێكی گەورەیە و لەدەستدانی بۆ خەڵكی كوردستان و پارتی خەسارەتێكی گەورەیە. كوردستان سەركردە و كەڵەپیاو و شۆڕشگێڕێكی مەزنی لەدەست دا. منیش برا و هاوڕێی تەمەن و دۆستی نزیك و هاوسەنگەرێكی خۆشەویستم لەدەست دا".
سهرۆك بارزانى دهشڵێت: "سەرەخۆشی لە خۆمان و خانەوادەی نیشتیمانپەروەری دكتۆر ڕۆژ و سەركردایەتیی و كادیر و ئەندام لایەنگرانی پارتی و هەڤاڵ و هاوڕێ و هاوسەنگەرانی خوالێخۆشبوو دكتۆر ڕۆژ و شاری هەڵمەت و قوربانی و هەموو خەڵكی كوردستان و ئازادیخوازانی عێراق و جیهان دەكەم، لە خودای مەزن داواكارم ڕۆحی خوالێخۆشبوو دكتۆر ڕۆژ بە بەهەشتی بەرین شاد بكات و سەبر و ئارامی بە هەموو لایەك ببەخشێت".