نێچیرڤان بارزانی سەرۆکی حکوومەتی هەرێمی کوردستان پەیامێک بڵاو دەکاتەوە
پەیامی کورد ... نێچیرڤان بارزانی سەرۆکی حکوومەتی هەرێمی کوردستان پەیامێک بڵاو دەکاتەوە
نێچیرڤان بارزانی، سەرۆکی ھەرێمی کوردستان پێشوازی لە رێککەوتنی حکوومەتی فیدڕاڵی عێراق و حکوومەتی ئەمریکا دەکات بۆ دەستپێکردنەوەی کارەکانی کۆمیتەی باڵای سەربازی نێوانیان و دەڵێت، ھەرێمی کوردستان پشتگیری لەو رێککەوتنە دەکات و ھاوکار و یارمەتیدەر دەبێت.
ئەمەی خوارەوە دەقی ڕاگەێندراوەکەیە….
پێشوازی لە ڕێککەوتنی حکوومەتی فیدڕاڵی عێراق و حکوومەتی ئەمریکا دەکەین بۆ دەستپێکردنەوەی کارەکانی کۆمیتەی باڵای سەربازی نێوانیان (HMC)و بەرەو پێشچوونی گفتوگۆکان دەربارەی پەیوەندی دووقۆڵی و داھاتووی ھاریکاریی ھاوبەش لە بوارەکانی سیاسی، ئابووری، کولتووری، ئەمنی و سەربازیدا.
ھەرێمی کوردستان پشتگیری لەو ڕێککەوتنە دەکات و ھاوکار و یارمەتیدەر دەبێت بۆ پاراستنی ئارامی و ئاسایش و سەقامگیری و سەروەری ووڵات و بەرەو پێشبردنی پەیوەندییەکان لەسەر بنەمای ڕێز لەیەکگرتن و بەرژەوەندی ھاوبەش.
نێچیرڤان بارزانی
سەرۆکی ھەرێمی کوردستان
٢٥-١-٢٠٢٤