نێچیرڤان بارزانی سەرۆکی هەرێمی کوردستان پەیامێکی هۆشداری گرینگ بڵاو دەکاتەوە
پەیامی کورد ... نێچیرڤان بارزانی سەرۆکی هەرێمی کوردستان پەیامێکی هۆشداری گرینگ بڵاو دەکاتەوە
سەرۆكی هەرێمی كوردستان هۆشداری دەدات لەوەی، ئەگەر یەکڕیز نەبین بەهیچ شێوەیەک ناتوانین دەستکەوتەکانی خۆمان بپارێزین و پەرەی پێ بدەین.
نێچیرڤان بارزانی، سەرۆکی هەرێمی کوردستان لە ووتارێكدا كە لە مەراسیمی ساڵیادی كۆچی دوایی ڕۆژنووری شاوەیس دا پێشكەشی كرد رایگەیاند، مەرجی سەرکەوتن و تێپەڕاندنی ئەم قۆناخە تەنیا و تەنیا ئەوەیە یەکڕیز بین و پێکەوە بین، چوونکە بە لێکترازان هیچ لایەنێکی کوردستان هیچی دەست ناکەوێت.
سەرۆکی هەرێمی کوردستان ووتیشی: بە پێکەوەبوون زۆر دەستکەوتمان دەستدەکەوێت، بە لێکترازان و دوورکەوتنەوە دڵنیاتان دەکەمەوە هیچ لایەنێک لە کوردستان هیچی دەست ناکەوێت، ئەگەر یەکڕیز نەبین بەهیچ شێوەیەک ناتوانین دەستکەوتەکانی خۆمان بپارێزین و پەرەی پێبدەین.
ئەو ووتانەی سەرۆكی هەرێم هاوكاتە لەگەڵ تووندبوونەوەی ململانێكانی نێوان یەكێتی و پارتی لەسەر پۆستی سەرۆكکۆماری عێراق و ڕێكنەكەوتنیان لەسەر كاندیدێكی هاوبەش بۆ ئەو پۆستە.