چوار تووشبووی کۆرۆنا لە هەرێمی کوردستان گیانیان لە دەست دا

پەیامی کورد … چوار تووشبووی کۆرۆنا لە هەرێمی  کوردستان گیانیان لە دەست دا

 وەزارەتی تەندروستیی هەرێم توشبوونی هەزار و ٣٦٨ توشبووی نوێ بە كۆرۆنا ڕادەگەیەنێت.

وەزارەتی تەندروستی ئەمڕۆ ئاماری نوێی كۆرۆنای بڵاوكردەوە و ڕایگەیاند، لەماوەی ٢٤ كاتژمێری ڕابردوودا ١١ هەزار و ١٩٤ پشكنین ئەنجامدراوە و لەو ژمارەیە هەزار و ٣٦٨ توشبووی نوێ تۆماركراوە.

زۆرترین توشبوو لە پارێزگای دهۆك-ە بە ٦٤٨ حاڵەت، دوای ئەو هەولێر دێت بە ٣٦٥ و سلێمانی بە ٣٣١ حاڵەت.

هەر لەو ماوەیەدا ٧٩٧ توشبوو چاكبوونەتەوە و چوار توشبووش گیانیان لەدەستداوە.

بەپێی ئامارەكە كۆی توشبووان بە كۆرۆنا لە هەرێم گەیشتووەتە ١٩٦ هەزار و ٧٣ كەس لەو ژمارەیە ١٨١ هەزار و ٤٧٢ یان چاكبوونەتەوە و ١٠ هەزار و ٥٧ توشبوو لەژێر چارەسەردان، هەروەها چوار هەزار و ٥٤٤ توشبووش گیانیان لەدەستداوە.