وەزارەتی تەندرووستی هەرێمی کوردستان ڕاگەێندراوێک لە سەر گیان لە دەستدانی تووشبوویەکی کۆرۆنا بڵاو دەکاتەوە
پەیامی کورد ... وەزارەتی تەندرووستی هەرێمی کوردستان ڕاگەێندراوێک لە سەر گیان لە دەستدانی تووشبوویەکی کۆرۆنا بڵاو دەکاتەوە .
وەزارەتی تەندرووستی هەرێمی كوردستان گیان لەدەستدانی تووشبوویەكی كۆرۆنای لە پارێزگای هەولێر ڕاگەیاند، كە پیاوێكی تەمەن ٥١ ساڵە و دانیشتووی بنەسڵاوەیە.
دەقی ڕاگەێندراوەكەی وەزارەتی تەندرووستی هەرێمی كوردستان
تووشبوویەکی دیكەی ڤیرووسی كۆڕۆنا گیانی لەدەستدا ...
تووشبوویەكی نەخۆشی ڤیرووسی كۆڕۆنای نوێ COVID19 پیاو تەمەن ٥١ ساڵ، دانیشتووی قەزای دەشتی هەولێر/ بنەسڵاوە، هەڵگری نەخۆشی دیكەی كوشندە، بەهۆی بوونی نیشانەكانی نەخۆشی بەتووندی و تووشبوونی بە ڤیرووسی كۆڕۆنای نوێ COVD-19 لە ٥/٢٧ لە نەخۆشخانە خەوێندرا، دوای مانەوەی پێنج ڕۆژ لە بەشی چاودێری چڕ لە نەخۆشخانە گیانی لەدەستدا.
وێڕای پرسە و سەرەخۆشی لە خانەوادە و كەسوكاری خوالێخۆشبوو هیوادارین هاوڵاتیان پابەندی ڕێنماییەكانی تەندرووستی بن.
وەزارەتی تەندرووستی
١ حوزەیران ٢٠٢٠