ڕوونكردنەوەیەک لە لایەن سەرۆكی دیوانی ئەنجوومەنی وەزیران و ووتەبێژی حكومەتی هەرێمی كوردستان لەسەر پرۆژەیاسای چاكسازی مووچە و ...
پەیامی کورد ... ڕوونكردنەوەیەک لە لایەن سەرۆكی دیوانی ئەنجوومەنی وەزیران و ووتەبێژی حكومەتی هەرێمی كوردستان لەسەر پرۆژەیاسای چاكسازی مووچە و ...
حكومەتی هەرێمی كوردستان جەختدەكاتەوە، كە شایستە داراییەكانی مووچەخۆران پارێزراو دەبێت. راشیگەیاند، یاسای چاكسازیی لە پاش پەسەندكردنی لە ماوەی ٦٠ رۆژدا دەچێتە بواری جێبەجێكردنەوە.
بەیانی ئەمڕۆ سەرۆكی دیوانی ئەنجوومەنی وەزیران و سكرتێری ئەنجوومەنەكە و ووتەبێژی حكومەتی هەرێمی كوردستان لە پرێس كۆنفرانسێكی هاوبەشدا ڕوونكردنەوەیان لەبارەی پرۆژەیاسای چاكسازیی لە خانەنشینی و مووچە و دەرماڵەكان داو رایانگەیاند، شایستە داراییەكانی مووچەخۆران دەستكاری ناكرێت. هەروەك چۆن دەستكاری مووچەی شەهیدانیش ناكرێت و یاسای چاكسازیی وارسی شەهیدان ناگرێتەوە و مووچەكەشیان هاوتای عیراق دەكرێت.
هەروەها نوێنەرانی حكومەتی هەرێم جەختیانكردەوە لەوەی پرۆسەی چاكسازیی بەردەوام دەبێت و حكومەت هەوڵیش دەدات مووچەی فەرمانبەرانی هەرێم هاوتای حكومەتی فیدراڵی بكەن.
وتیشیان "پرۆژەیاسای چاكسازیی كە رەنگە ئەمڕۆ پەرلەمان پەسندی بكات، پاش ئەوە یاساكە لە ماوەی ٦٠ رۆژدا دەچێتە بواری جێبەجێكردنەوە".