گرینگ ... موقتەدا سەدر سوورە لە سەر پێکهێنانی حکومەت لەگەڵ کورد
ئاژانسی هەواڵی سپۆتنیكی ڕووسی لە ڕاپۆرتێكدا کە دوێنێ پێنجشەممە بڵاوی کردووەتەوە جەخت لەوە دەکاتەوە كە موقتەدا سەدر سەرۆكی لیستی سائیرون سوورە لەسەر دووركەوتنەوە لە مالیكی و عامری، لە بەرانبەردا دەیەوێ لەگەڵ كورد و عەللاوی و عەبادییدا حكوومەتی نوێ پێكبێنن.
هەروەها ئاژانسی سپۆتنیك ئاشكرای كردووە ئاراستەی ئێستای سائیرون وەکوو یەكەمی هەڵبژاردنەكانی عێراق ئەوەیە بەهیچ شێوەیەك لەگەڵ نووری مالیكی سەرۆكی لیستی دەولەتی یاسا و هادی عامری سەرۆكی لیستی فەتح ڕێكکەوتن نەكەن.
ئاژانسەكە نووسیویەتی كە لە بەرانبەریشدا موقتەدا سەدر سوورە لەسەر ئەوەی لەگەڵ كورد پێك بێت، كە ئەوەی لەبەرچاوە، پارتی و یەكێتیین، هەروەها لەگەڵ لیستی (وەتەنیە)ی ئەیاد عەللاوی و لیستی (نەسر)ی حەیدەر عەبادی.
ئاماژەش بەوە دراوە كە ئەم هێزانەی سەرەوە دەتوانن كوتلەیەكی گەورە و سەرەكی لە پەرلەمانی عێراق درووست بكەن و كەسێك ڕاسپێرن بۆ پێكهێنانی حكوومەتی نوێ