سەرۆک بارزانی پێشوازی لە هونەرمەند ئەنوەر شێخانی دەکات

پەیامی کورد    ...   ڕۆژی شەممە 13ـی 7ـی 2019 لە سەلاحەددین سەرۆك مەسعود بارزانی پێشوازی لە هونەرمەندی ناسراوی كورد ئەنوەر شێخانی كرد.

لە دیدارەكەدا سەرۆك بارزانی سوپاس و پێزانینی بۆ ڕۆڵی ئەنوەر شێخانی هەبوو لە بواری پێشڤەبردنی هونەر و کلتوور و دەستخۆشی لێ كرد كە لە ساڵانی ڕابردوو ماندوونەناسانە و بە ڕۆحێكی نیشتیمانپەروەرانە خزمەتی هونەری كوردستانی كردووە.

هەر لەو دیدارەدا سەرۆك بارزانی هیوای تەندرووستی و تەمەندرێژی بۆ هونەرمەند ئەنوەر شێخانی خواست.